गलातियो 2:13 - जीवन को च्यानणो (सेकावाटी नया नियम की पोथ्या)

¹³ अर जखा यहूदि मिनख बिकै सागै हा बे बी बिका पाखंड म बिकै सागै होगा, अठै ताँई क बरनाबास बी बंय्यांई करबा लाग्यो।

गलातियो 2:13 Referans Kwoze

1 कुरन्थीयो 15:33

धोको मना खाज्यो क्युं क, “बुरी संगती चोखी बाणनै बिगाड़ देवै ह।”

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

1 कुरन्थीयो 8:9

इ ताँई थे चेता म रेह्ओ क थारी छुट बिस्वास म कमजोर मिनख ताँई पाप करबा की बजै नइ बणज्यावै।

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

भेजेड़ा चेला का काम 4:36

जणा बामै युसूफ नाम को लेवी हो जखो साईपरस को रेह्बाळो हो। जिनै भेजेड़ा चेला बरनाबास खेता हा, जिको मतबल हिमत देबाळो होवै ह।

गलातियो 2:1

म चोदा बरसा क पाछै बरनाबास क सागै पाछो यरूसलेम गयो, अर म तितूसनै बि मेरै सागै लेगो।

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

मत्ती 23:28

अंय्यांई थे बारनैऊँ तो धरमी दिखो हो पण थारै मांयनै बुराई भरी ह।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।