गलातियो 1:9 - जीवन को च्यानणो (सेकावाटी नया नियम की पोथ्या)

⁹ जंय्यांकी म्हें थानै पेल्याई कह्या हा, अर इब बी म ओज्यु बोलुँ हूँ क, जि चोखा समचारनै थे मान्या हा बिकै अलावा ज कोई थानै दुसरो चोखो समचार सुणावै ह बो नरक को भागी होसी।

गलातियो 1:9 Referans Kwoze

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

2 कुरन्थीयो 1:17

इ ताँई ज म आ बाता की इंछ्या करी ही जणा के म उपला मनऊँ करी ही? क म इ दुनिया का मिनखा की जंय्यां हूँ जखा एक टेम हाँ-हाँ अर नइ-नइ करीं हीं?

फलिपी 3:1

आखीर म, मेरा लाडला बिस्वास्यो, परबु म राजी होता रह्यो। थानै अ बाता ओज्यु मांडबा म मनै तो कोई आट कोनी, अर ज म अंय्यां मांडूँ बी हूँ जणा आऊँ थारो बचावई होसी।

फलिपी 4:4

परबु को संगरो राख'र सदाई राजी-खुसीऊँ रेह्ओ, म ओज्यु थानै खेऊँ हूँ, राजी-खुसीऊँ रेह्ओ।

भेजेड़ा चेला का काम 18:23

क्युं क दिन बठै रेह्‍र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।

रोमीयो 9:3

ज मेरा बस म होतो क, म मेरा यहूदि भाई-भाणा अर मेरा देस का मिनखा ताँई सराप खुद प ले लेतो, अर मसीऊँ न्यारो होज्यातो।