गलातियो 1:8 - जीवन को च्यानणो (सेकावाटी नया नियम की पोथ्या)

⁸ पण जखा बी थानै म्हारा सुणाईड़ा चोखा समचार क अलावा दुसरो समचार सुणावै ह चाए फेर बे म्हें हो नहिस ईस्बर नगरी दुत हो बे नरक का भागी होसी।

गलातियो 1:8 Referans Kwoze

गलातियो 1:9

जंय्यांकी म्हें थानै पेल्याई कह्या हा, अर इब बी म ओज्यु बोलुँ हूँ क, जि चोखा समचारनै थे मान्या हा बिकै अलावा ज कोई थानै दुसरो चोखो समचार सुणावै ह बो नरक को भागी होसी।

1 कुरन्थीयो 16:22

अर ज कोई परबुऊँ परेम कोनी करै बिपै स्राप पड़ै ह। म्हारा परबु जी तावळा आवै ह!

रोमीयो 9:3

ज मेरा बस म होतो क, म मेरा यहूदि भाई-भाणा अर मेरा देस का मिनखा ताँई सराप खुद प ले लेतो, अर मसीऊँ न्यारो होज्यातो।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

भेजेड़ा चेला का काम 23:14

बे, बा परधान याजका अर यहूदि नेता क कनै जार बोल्या, “म्हें सोगन खाई ह क पोलुसनै मार्या पेली जीब प क्युंई कोनी धरां।

तितूस 3:10

फूट गेरबाळा मिनखनै चिता अर ज बो एक बर म नइ मानै जणा बिनै दुसरकै चिता जद बो दुसरकै बी नइ मानै जणा बिऊँ किनारो करले।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

1 कुरन्थीयो 12:3

इ ताँई म थानै बताऊँ हूँ जखा मिनख म परमेसर की पबितर आत्मा को बास ह बो कदै बी अंय्यां कोनी खेसी क “ईसु सरापित ह।” अर नइ कोई बिना पबितर आत्मा क अंय्यां खेसी क “ईसुई परबु ह।”

मरकुस 14:71

पतरस बाकी बाता सुणर सोगन खार बोल्यो, “म बि मिनखनै जिकी थे बाता करो हो कोनी जाणू ज म झूठ बोलुँ तो परमेसर मनै सजा दे।”

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।