गलातियो 1:7 - जीवन को च्यानणो (सेकावाटी नया नियम की पोथ्या)

⁷ पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

गलातियो 1:7 Referans Kwoze

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो

गलातियो 5:10

म परबु म थारै उपर पूरो भरोसो करूं हूँ, क थे दुसरा मतनै कोनी मानो पण जखा थानै भंगरावै ह चाए बे कोईबी क्यु नइ हो बे सजा पासी।

2 कुरन्थीयो 11:13

क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।

गलातियो 5:12

चोखो तो ओ होतो क थानै भंगराबाळा सुन्नत के करा हा काटई लेता।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

दरसाव 20:3

बो बिनै पताळ म गेर'र बिकै ताळो लगा दिओ। अर बिकै उपर म्होर लगादि जिऊँ बो एक हझार बरसा ताँई मिनखानै कोनी भंगरा सकै। पण एक हझार बरसा क पाछै बिनै क्युंक टेम ताँई छोड्यो ज्यासी।

2 यहून्ना 1:10

अर ज कोई थानै मसी की सीख कोनी देवै जणा थे बि मिनखनै थारै घर म मना आबा द्‍यो अर नइ बिकी आवभगत करज्यो।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 2:20

क्युंबी हो पण इब बी तेर म एक कमी ह अर बा आ ह क, तू इजेबैल नाम की बि लूगाईनै तेरै बिचमै राखै ह, जखी खुदनै परमेसर की खेबाळी बतावै। अर आपकी सीखऊँ मेरा दासानै कुकरम करबा अर मूरत्या प चढाईड़ा चढावानै खाबा ताँई उकसावै ह।

दरसाव 2:6

पण तेर म एक बात ह क तू नीकुलीया का कामाऊँ नफरत करै ह जिऊँ म बी नफरत करूं हूँ।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

2 यहून्ना 1:7

म आ बात इ ताँई बोलुँ हूँ, क्युं क इ दुनिया म बोळा भटकाबाळा मिनख हीं। अर जखो बी मिनख इ बातनै कोनी मानै क ईसु मसी इ धरती प मिनख काया को रूप लेर आयो, जणा बो छळ करबाळो ह अर मसी को बेरी ह।

1 यहून्ना 2:26

म अ बाता बा मिनखा बेई थानै मांडी ह जखा थानै भंगराबा की कोसिस करीं हीं।

2 तिमूतियूस 2:18

बे सच को गेलो छोड दिओ अर अंय्यां खेर क, आपानै ओज्यु जिंदगी पेल्याई मिलगी ह क्युंक बिस्वास्या का बिस्वासनै भंगरा दिआ हीं।

गलातियो 6:17

इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।

गलातियो 4:17

बिधी-बिधान प चलाबाळा मिनख थार म मो तो राखै ह पण बाकी नीत सई कोनी। बे थानै मेरूँ न्यारो करबो चावीं हीं, जिऊँ थे बी बामै मो घालल्यो।

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

2 कुरन्थीयो 4:2

म्हें बेसरमी का काम कोनी करां। नइ तो म्हें कपट राखां हां अर नइ झूठी बातानै परमेसर की कर बतावां हां। पण परमेसर क सामै म्हें सच बोलर्या हां अर जखा सचा हीं बेई इ बातनै जाणी हीं।

भेजेड़ा चेला का काम 20:30

अर थारै मऊँ बी अंय्यां का मिनख खड़्या होसी जखा टेडी मेडी बाता बोलर बिस्वास्यानै आपकै गेल कर लेसी।

भेजेड़ा चेला का काम 13:10

अर बोल्यो, “सगळा छळ कपटऊँ भरेड़ा सेतान की ओलाद, भलाई का बेरी। तू परमेसर का सचा अर सिदा गेलानै तोड़बो मोड़बो कोनी छोडै के?”

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

गलातियो 1:6

मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।