गलातियो 1:6 - जीवन को च्यानणो (सेकावाटी नया नियम की पोथ्या)

⁶ मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।

गलातियो 1:6 Referans Kwoze

2 कुरन्थीयो 11:4

म्हें जि ईसु क बारां म थानै बताया हा अर जखी पबितर आत्मा थानै मिली अर जखो चोखो समचार थे मान्या बिकै अलावा ज थे कोई मिनखनै दुसरा ईसु क बारां म बोलबा द्‍यो जणा इको मतबल ओई ह क थे ओरई ईसुनै, ओरई चोखा समचारनै अर ओरई आत्मानै मानबा अर लेबा ताँई राजी हो।

1 तिमूतियूस 1:3

जंय्यां क म मकीदुनिया जाती टेम तनै इफिसुस म रेह्बा ताँई बोल्यो हो, जिऊँ तू क्युंक मिनखानै आदेस दे क, बे झूठी सीख नइ देवै,

1 कुरन्थीयो 4:15

क्युं क ज मसी जीवन म थानै समाळबाळा दस झार होवै, जणा बी थारो बाप तो एकई ह। क्युं क म मसी को चोखो समचार सुणाबा क जरिए मसी म थारो बाप बणगो।

भेजेड़ा चेला का काम 15:11

म्हें ओ बिस्वास करां हां क परमेसर की दयाऊँ म्हें बी बचा लिआ गया हां जंय्यां क बे बचा लिआ गया हीं।”

गलातियो 5:4

जखा बी नेम-कायदानै मानबा की बजेऊँ परमेसरनै राजी करबो चावीं, बिको मतबल ह क बे मसीऊँ न्यारा होगा हीं अर परमेसर की दयाऊँ दूर हीं।

रोमीयो 10:3

क्युं क बे परमेसर की धारमिक्‍ताऊँ अणजाण होर खुदकी धारमिक्‍तानै बणाबा म लाग्या रिह्या अर खुदनै परमेसर की धारमिक्‍ता म कोनी सूप्या।

1 तिमूतियूस 1:14

अर परबु मेर प खूब दया करी, अर सागैई बो परेम अर बिस्वास जखो मसी ईसु म ह बो मनै मिल्यो।

दरसाव 22:21

परबु ईसु की दया परमेसर का मिनखा प होती रेह्‍वै। अंय्यांई होवै।

2 तिमूतियूस 2:1

परबु म मेरा बेटा तिमूतियूस, मसी ईसु म परमेसर जखी दया तेर प करी ह, बिकी बजेऊँ मजबूत बण्यो रेह।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

2 थिसलूनिकी 2:14

परमेसर थानै चोखा समचार की बजेऊँ बुलायो ह, जिऊँ थे बी आपणा परबु ईसु मसी की मेमा म सामिल होवो। ओ बि चोखा समचार क जरिए होयो ह जिकी सीख म्हें थानै दिनी ही।

रोमीयो 5:2

बिस्वास की बजेऊँ बो आपानै परमेसर की दया म ल्यायो जिमै आपा इब जिर्या हां अर परमेसर की मेमा की आस प गुमान करां हां।

यहून्ना 9:30

बो मिनख बोल्यो, “आ तो ताजूब की बात ह! थे बि मिनख क बारां म जाणोई कोनी क, बो कठैऊँ आयो ह। पण देखल्यो, बो मेरी आँख्या खोल दि।

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

1 पतरस 1:15

पण जंय्यां थानै आपका होबा ताँई बुलाबाळो परमेसर पबितर ह, बंय्यांई थे जोक्युबी करो बो पबितर होणो चाए।

मरकुस 6:6

बाका भेम की बजेऊँ ईसुनै बापै ताजूब होयो अर बो कनै का गाँवा म जातो अर सीखातो हो।

रोमीयो 8:28

अर आपा जाणा हां क जखा परमेसरऊँ परेम करै ह बा ताँई हर बात मिलर भलाई पैदा करै, बा ताँई, जखा बिका मकसद गेल बुलाया गया हीं।

रोमीयो 8:30

जानै बो टाळ्यो बानै बो बुलायो अर जानै बो बुलायो बानै धरमी बी बणायो अर जानै बो धरमी बणायो बानै मेमा बी दिनी।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

गलातियो 1:11

मेरा लाडला बिस्वास्यो, म थानै समजाबो चाऊँ हूँ, क म थानै जखो चोखो समचार सुणायो हो बो मिनख की मंजुरीऊँ कोनी हो।

गलातियो 1:15

पण मेरा जलमऊँ पेली परमेसर मनै टाळ लिओ, अर आपकी दयाऊँ मनै आपकी सेवा करबा ताँई बुलायो। अर जद बे आ ध्यारी,

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

गलातियो 2:5

पण म्हें स्यात घड़ीई बाकै आगै हार कोनी मानी, जिऊँ चोखा समचार की सचाई थारै मांयनै बणी रेह्‍वै।

गलातियो 2:7

अर बे इ बातनै समजगा क जंय्यां पतरसनै यहूदि मिनखानै चोखो समचार सुणाबा ताँई भेज्यो गयो ह बंय्यांई म बी गैर-यहूदि मिनखानै चोखो समचार सुणाबा ताँई भेज्यो गयो हूँ।

गलातियो 2:14

अर म आ देखर क बे चोखा समचार की सचाई प खराईऊँ कोनी चालीं, जणा म सकै सामै केफाऊँ बोल्यो, “तू यहूदि होर बि गैर-यहूदि मिनखा की जंय्यां जीतो आर्यो ह, जणा गैर-यहूदि मिनखानै यहूदि मिनखा की जंय्यां जीबा ताँई क्यु खेवै ह?”

गलातियो 5:14

क्युं क नेम-कायदा की सगळी बाता इ एक बातनै मानबाऊँ क, “तू तेरा पड़ोसीऊँ खुदकी जंय्यां परेम राख पूरी होज्यावै ह।”