गलातियो 1:10 - जीवन को च्यानणो (सेकावाटी नया नियम की पोथ्या)

¹⁰ के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।

गलातियो 1:10 Referans Kwoze

1 थिसलूनिकी 2:4

पण जंय्यां परमेसर म्हानै इ जोगो जा'णर चोखा समचारनै सुणाबा को काम सूप्यो ह, म्हें इनै बंय्यांई बतावां अर अंय्यां कर म्हें मिनखानै कोनी पण परमेसरनै जखो हियानै परखै ह राजी करां हां।

भेजेड़ा चेला का काम 5:29

जणा पतरस अर दुसरा भेजेड़ा चेला बोल्या, “मिनखऊँ पेली परमेसर की बातनै मानबो जरूरी ह।

इफिसुस 6:6

अर बडाई पाबा ताँई देख-दिखावा की सेवा मना करो, पण सगळा मनऊँ परमेसर की इंछ्या गेल मसी का गुलाम की जंय्यां बाकी सेवा कर्या करो।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

कलुसीयो 3:22

गुलामो, थे मिनखानै राजी करबाळा की जंय्यां थारा मालिका क सामै काम मना करो। पण सचा मनऊँ परबु को मान करबा ताँई सगळी बाता म बाका हुकमानै मानो।

रोमीयो 2:29

सचो यहूदि बो ह जखो मांयऊँ यहूदि ह अर सची सुन्नत बा सुन्नत ह जखी आत्मा क जरिए मन की होवै ह मांडेड़ा नेम-कायदाऊँ नइ। अंय्यां का मिनख की बडाई मिनख नइ पण परमेसर खुद करै ह।

1 यहून्ना 3:9

जखोबी परमेसर को बेटो बणगो ह बो पाप करतो कोनी रेह्‍वै। क्युं क बिकै मांयनै मसी बास करै ह अर बो परमेसर को बेटो ह इ ताँई बो पाप करतो कोनी रेह्‍वै।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

1 कुरन्थीयो 10:33

मेरी जंय्यां बिना आ सोच्या की मनै काँई फाईदो होसी म दुसरा को फाईदो देखूँ हूँ अर सगळानै राजी राखूँ हूँ बंय्यांई करो, जिऊँ बे बचा लिआ जावै।

मत्ती 28:14

अर ज थारी आ बात राजपाल ताँई जासी जणा म्हें बिनै समजा देस्यां। थे बेफिकर रह्यो, म्हें थारो बाळई बाको कोनी होबा देवां।”

भेजेड़ा चेला का काम 12:20

हेरोद सूर अर सैदा म रेह्बाळा मिनखाऊँ नराज हो जि बजेऊँ बे सगळा मिलर बलास्तूस जखो राजा की राण्या की देखभाळ करबाळो खास करमचारी हो। बिनै बुलार बिऊँ सुळजेटो करबो चायो क्युं क राजा क देसऊँई बाका देस म खाबाळो समान भेज्यो जातो हो।

मत्ती 6:24

“कोईबी मिनख एक सागै दो मालिका की सेवा कोनी कर सकै। क्युं क बो एकऊँ तो परेम राखसी अर दुसराऊँ नफरत करसी, एकऊँ तो बफादार रेह्सी दुसरानै छोटो जाणसी। अंय्यांई थे परमेसर अर धन की सेवा एक सागै कोनी कर सको।

फलिपी 1:1

म्हें मसी ईसु का गुलाम पोलुस अर तिमूतियूस आ चिठी फलिपी नगरी म मसी क सागै मेळ राखबाळा परमेसर का सगळा मिनखा, सागै की सागै बिस्वासी मंडळी का रूखाळा अर काम म हात बटाबाळानै मांडर्या हां। था सगळा प आपणा परम-पिता परमेसर अर परबु ईसु मसी कानिऊँ दया अर स्यांती मिलती रेह।