8 याद राखो जखा चोखा काम करसी परबु मसी बा हरेकनै इनाम देसी चाएसै बो गुलाम हो अर चाएसै अजाद।
याद राखो, थारो असली मालिक मसी ह जिकी थे सेवा करो हो अर परबु थारै ताँई जखो इनाम धर राख्यो ह बो थानै देसी।
आ बात तेरै ताँई आसिरबाद होसी क्युं क बाकन तेरो बदलो उतारबा ताँई क्युंई कोनी। अर इको बदलो परमेसर तनै बि दिन देसी जि दिन धरमी मर्या पाछै ओज्यु जी उठसी।”
अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।
क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।
जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”
जिऊँ तेरो दान ओला म रेह्वै अर तेरो परम-पिता परमेसर तनै देखसी अर जखो तू ओला म दिओ ह बिको फळ तनै देसी।
इ ताँई थे हिमत मना हारो क्युं क थानै बिको बडो फळ दिओ ज्यासी।
बिनै मिसर का धनऊँ बेत्ती मसी ताँई बेजती कराबो घणो किमती लाग्यो, क्युं क बो आगै मिलबाळा इनामनै बेसबरीऊँ उडिकर्यो हो।
जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।
“चोकन्ना रेह्ओ! परमेसर आ चावै ह क थे लोगानै दिखाबा ताँई धरम का काम मना करज्यो अर ज अंय्यां करस्यो जणा थानै परम-पिता जखो ईस्बर नगरी म ह बो बाको फळ कोनी देसी।”
जणा थे राजी होज्यो क्युं क ईस्बर नगरी म थानै इको फळ मिलसी। क्युं क बे तो परमेसर की खेबाळानै बी जखा थारूँ पेली हा बानै बी अंय्यांई सताया हा।
पण थारा दुस्मनाऊँ बी प्यार-परेम राखो, बाकै सागै बी भलाई करो, अर क्युं बी पाछो नइ आबा की आस कर बानै करजो द्यो। अर अंय्यां करस्योक जणा थारै ताँई बडो इनाम होसी। अर थे परम-परधान परमेसर का टाबर खुवास्यो क्युं क बो तो बुरा अर बिको धनेवाद नइ करबाळा प बी दया दिखावै ह।
क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।
मेरो खेबा को मतबल ओ ह क, परमेसर हरेक को बराबर न्याय करसी बो कोईकिई हिमायती कोनी ले। अर हरेक पापीनै बिका बुरा कामा गेलई फळ मिलसी।
बे बोल्या, ‘म्हानै कोई मजुरी पई कोनी राख्यो।’ बो जमीदार बोल्यो, ‘थे माखाळा अँगूरा का बाग म जार काम प लागज्याओ।’