इफिसुस 6:19 - जीवन को च्यानणो (सेकावाटी नया नियम की पोथ्या)

¹⁹ अर सागै की सागै मेर ताँई बी अरदास कर्या करो क बोलबा की घड़ी परमेसर मनै अंय्यां को जोरदार समचार दे जिका भेदनै म बेधड़क होर बता सकूँ।

इफिसुस 6:19 Referans Kwoze

कलुसीयो 4:3

अर सागै की सागै म्हारै ताँई बी अरदास करो क परमेसर म्हानै मसी का भेदा को परचार करबा को मोको देवै। क्युं क परचार करबा क चलतई म जेळ म हूँ,

भेजेड़ा चेला का काम 4:29

इब परबु जी थे गोर धरो अर थारा दासानै हिमत क सागै थारा बचनानै सुणाबा की सक्‍ति द्‍यो।

2 थिसलूनिकी 3:1

मेरा लाडला बिस्वास्यो, आखीर म, म्हें एकोर बात थारूँ चावां हां क थे करो, म्हारै ताँई बी अरदास कर्या करो, जिऊँ परबु को चोखो समचार जंय्यां थारै बिचमै फेल्यो हो बंय्यांई तावळो ओर मिनखा म बी फेलै अर आदरमान पावै।

1 थिसलूनिकी 5:25

मेरा लाडला बिस्वास्यो, म्हारै ताँई बी अरदास कर्या करो।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

1 थिसलूनिकी 2:2

अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

2 कुरन्थीयो 8:7

थे सगळी बाता म बढर्या हो जंय्यां क, बिस्वास म, बोली म, ज्ञान म, ईमानदारी म, परेम म, जखो थे म्हारूँ राखो हो। बंय्यांई दान देबा म बी बढता जाओ।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

1 कुरन्थीयो 4:1

म्हारै बारां म मिनखानै अंय्यां सोचबो चाए क म्हें मसी का दास हां, अर परमेसर का भेदा का भंडारी हां।

भेजेड़ा चेला का काम 28:31

अर बिना रोक-टोक बेधड़क होर परमेसर का राज को परचार करतो अर परबु ईसु मसी की बाता सीखातो हो।

भेजेड़ा चेला का काम 19:8

पोलुस यहूदिआ का अरदास घर म तीन म्हेना ताँई बेधड़क बोलतो अर परमेसर का राज क बारां म मिनखानै समजातो रिह्यो।

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

फिलेमोन 1:22

मेरै ताँई एक कोठो त्यार राखजे, क्युं क मनै आस ह की थारी अरदास की बजेऊँ थारूँ मिलस्युं।

कलुसीयो 2:2

ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

2 कुरन्थीयो 3:12

म्हारै कनै आ मेमा भरी आस ह जणाई म्हें बेधड़क बोलर्या हां।

1 कुरन्थीयो 1:5

क्युं क मसी म थानै बोलबा, सगळा ज्ञान अर सगळी बाता म सागेड़ो बणायो गयो ह।

भेजेड़ा चेला का काम 14:3

पोलुस अर बरनाबास बोळा दिना ताँई बठैई रिह्या अर बिना कोई डर क परचार करता रिह्या। अर परबु बी बाका हाताऊँ अचरजभर्या काम अर चमत्कार दिखार आपकी दया का संदेसनै साबित कर्यो।

भेजेड़ा चेला का काम 9:27

जणा बरनाबास बिनै भेजेड़ा चेला कनै लेगो अर बानै बतायो क कंय्यां ओ गेला म परबुनै देख्यो, अर कंय्यां परबु बिऊँ बतळायो। अर इकै पाछै कंय्यां ओ हिमत क सागै दमिसक नगरी म ईसु का नाम को परचार कर्यो।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

2 कुरन्थीयो 7:4

मनै थार प पूरो भरोसो ह। मनै थार प बोळो गुमान ह, थारी बजेऊँ म कदैई हिमत कोनी हारूँ, म्हारा दुख मुसीबत म बी म थारी बजेऊँ राजी हूँ।

2 कुरन्थीयो 1:11

थे म्हारै ताँई अरदास कर म्हारी मदद करो हो। ओ बिकोई नतिजो ह क म्हानै खतराऊँ बचायो जावै ह। अर बोळानै परमेसर जखो म्हारै ताँई कर्यो ह बिकै बजेऊँ परमेसरनै धनेवाद देबा को मोको मिलै ह।

1 कुरन्थीयो 2:7

पण आपा परमेसर का बि भेदभर्या सच अर लुखेड़ा ज्ञान को हेलो पाड़ां हां, जिनै परमेसर आपणी मेमा करबा ताँई जुगादऊँई ते कर राख्यो ह।

रोमीयो 15:30

मेरा लाडला बिस्वास्यो, आपणा परबु ईसु मसी अर पबितर आत्मा का परेमऊँ म थारूँ अरदास करूं हूँ क, परमेसरऊँ मेर ताँई अरदास करबा क जरिए मेरी आत्मिक राड़ म मेरो सागो द्‍यो।

भेजेड़ा चेला का काम 18:26

अर बो अरदास घर म बेधड़क बोलबा लाग्यो। परसकीला अर अकविला बिकी बाता सुणबा क पाछै बिनै आपकै घरा ल्याया अर बिनै ओर बी चोखा ढंगऊँ परमेसर का गेला क बारां म समजाया।

भेजेड़ा चेला का काम 4:13

जद पंचानै ओ बेरो पड़्यो क पतरस अर यहून्ना दोन्यु कम पढ्या-लिख्या आम आदमी हीं जणा बे बाकी हिमत देखर ताजूब म पड़गा। अर पाछै बानै बेरो पड़्यो क अ दोन्यु ईसु क सागै रेह्ता हा।

भेजेड़ा चेला का काम 2:4

बे सगळा पबितर आत्माऊँ भरगा अर जंय्यां पबितर आत्मा बानै बोलबा की सक्‍ति दि बे बंय्यांई दुसरी भासा म बोलबा लाग्या।

भेजेड़ा चेला का काम 9:29

अर यूनानी भासा बोलबाळा क सागै जिरै बाजी करतो हो, जि बजेऊँ बे बिनै मारबा की ताक म रेह्बा लागगा।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

2 कुरन्थीयो 6:11

ओ कुरन्थी नगरी का म्हारा भाईड़ो म्हें थारूँ साप-साप बोल्या हां। अर म्हारा हिया की बाता थारै सामै खोल दिनी ह।

इफिसुस 3:9

अर परमेसर का इ भेदनै सगळानै खोलर बताऊँ क ओ भेद कंय्यांसिक काम करै ह जखो आपा सगळानै बणाबाळा परमेसर क मांयनै जुगादऊँई लुखेड़ो हो।