इफिसुस 6:11 - जीवन को च्यानणो (सेकावाटी नया नियम की पोथ्या)

¹¹ अर परमेसर जखी लड़ाई की पोसाक अर हतियार थानै देवै ह बानै पेरल्यो जिऊँ सेतान की कळाबाजी क सामै खड़्या रेह सको।

इफिसुस 6:11 Referans Kwoze

2 कुरन्थीयो 10:4

क्युं क सेतान का नइ दिखबाळा गडानै ढाबा ताँई म्हारै कनै इ दुनिया का राछ कोनी पण बे राछ हीं जामै परमेसर की सक्‍ति ह।

रोमीयो 13:12

रात ढळबाळी ह, अर दिन उगबाळो ह। अँधेरा का काम करबो छोडो अर उजाळा का हतियार उठाल्यो।

1 थिसलूनिकी 5:8

पण आपा जखा दिन का च्यानणा म चालां हां बानै चाए क बे खुदनै बस म राख'र बिस्वास अर प्यार-परेम की झिलम पेरीं अर छुटकारो पाबा की आसनै टोपला की जंय्यां पेरीं।

इफिसुस 6:13

इ ताँई परमेसर का सगळा हतियार बांदल्यो जिऊँ जद बुरा दिन आसी जणा दुस्मन का वारा को सामो कर सको, अर आखीर ताँई लड़्या पाछै बी मैदान म डट्या रेह सको।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

2 कुरन्थीयो 2:11

जिऊँ क आपा सेतान की भंगर्या म नइ आवां। क्युं क आपा बिकी चालाऊँ अणजाण कोनी हां।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

कलुसीयो 3:10

अर नएड़ा सुभावनै ध्यार लिओ ह। अर थे परमेसर का गुण अर बिका सगळा ज्ञान म दिन-दिन बढता जाओ।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

2 कुरन्थीयो 11:3

पण मनै डर ह क्युं क कदै अंय्यां नइ होज्या क जंय्यां हवानै जखी धरती की सऊँ पेली नारी ही बिनै साँप चतराईऊँ भंगरा दिओ हो, बंय्यांई थारा हियानै नइ भंगरा दे जिमै मसी ताँई थारी खरी भगती अर ईमानदारी ह।

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

दरसाव 2:24

इब म थुआतिरा बिस्वासी मंडळी का बा मिनखानै खेबो चाऊँ हूँ जखा बि लूगाई की सीखनै कोनी मानै अर सेतान की भेद भरी बातानै कोनी जाणै। ‘म थार प ओर बोज कोनी लादूँ,

इफिसुस 4:24

अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

मरकुस 13:22

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

याकूब 4:7

इ ताँई खुदनै परमेसरनै सूप द्‍यो। अर सेतान को विरोध करो, जणा बो थारै सामैऊँ भागज्यासी।