इफिसुस 5:5 - जीवन को च्यानणो (सेकावाटी नया नियम की पोथ्या)

⁵ थानै इ बातनै सूल जाणणोई ह क कुकरमी, सूगला काम करबाळा, अर लोभी मिनखा को जखा मूरतीपुजा करबाळा की जंय्यां हीं, मसी अर परमेसर का राज म आकी कोई पाँती कोनी।

इफिसुस 5:5 Referans Kwoze

गलातियो 5:21

जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

इफिसुस 5:3

थे परमेसर का मिनख हो इ ताँई थारै म कुकरमा की, लुचापुणा की अर लोभ-लालच की चरचा बी नइ होणी चाए;

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

गलातियो 5:19

काया का काम तो सामै हीं जंय्यांकी, कुकरम, सूगला काम, उदफेली,

इबरानीआ 13:4

ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्‍वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

भेजेड़ा चेला का काम 8:21

इ चिज म तेरी कोई पाँती कोनी क्युं क परमेसर ताँई तेरै हिया म पेटा पाप ह।

भेजेड़ा चेला का काम 20:32

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।

कलुसीयो 1:13

परमेसर आपणानै अँधकार की सक्‍तिऊँ छुटार आपका लाडला बेटा क राज म बाड़्यो ह।