इफिसुस 5:3 - जीवन को च्यानणो (सेकावाटी नया नियम की पोथ्या)

³ थे परमेसर का मिनख हो इ ताँई थारै म कुकरमा की, लुचापुणा की अर लोभ-लालच की चरचा बी नइ होणी चाए;

इफिसुस 5:3 Referans Kwoze

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

इफिसुस 5:5

थानै इ बातनै सूल जाणणोई ह क कुकरमी, सूगला काम करबाळा, अर लोभी मिनखा को जखा मूरतीपुजा करबाळा की जंय्यां हीं, मसी अर परमेसर का राज म आकी कोई पाँती कोनी।

1 थिसलूनिकी 4:3

परमेसर आई चावै ह क थे पबितर बणो अर कुकरमऊँ बच्या रेह्ओ।

1 कुरन्थीयो 6:18

कुकरम मना करो। क्युं क इकै अलावा जत्ता बी पाप मिनख करै ह बो आपकी काया क बारनैऊँ करै। पण जखो मिनख कुकरम करै ह बो आपकी काया क सागै ही पाप करै ह।

1 थिसलूनिकी 4:7

क्युं क परमेसर आपानै सूगलो नइ पण पबितर जीवन जीबा ताँई बुलायो ह।

1 कुरन्थीयो 6:13

खेबत म आवै ह क, “रोटी पेट ताँई अर पेट रोटी ताँई होवै ह” पण परमेसर आ दोन्यानैई नास कर देसी। अर आपणी काया कुकरम करबा ताँई कोनी पण परबु की सेवा करबा ताँई ह। अर काया ताँई परबु बंदोबस्त करै ह।

इफिसुस 5:12

(क्युं क बाका ओलैछानै करेड़ा कामा क बारां म बात करबो बी सरम की बात ह।)

मत्ती 15:19

क्युं क हियाऊँ बुरा बिचार, हत्या, रंडीबाजी, कुकरम, चोरी, झूठी गुवाई अर बुराई निकळै ह।

दरसाव 2:21

म बिनै बिका कुकरमाऊँ हियो बदलबा को मोको दिओ हो, पण बा पापऊँ तौबा कोनी करी।

1 कुरन्थीयो 10:8

अर नइ आपा कुकरम करां, जंय्यांकी बामैऊँ कई मिनख कर्या हा, अर एकई दिन म तेईस झार मिनख मरगा।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 2:14

क्युंबी हो पण इब बी तेर म क्युंक कमीया ह अर बे अ ह क, तेरी बिस्वासी मंडळी म अंय्यां का क्युंक मिनख ह जखा बिलाम की सीख प चालै ह। क्युं क बिलाम, बालाकनै सीखायो हो क बो इजरायली मिनखानै मूरती प चढाईड़ो चढावो खाबा अर कुकरम करबा ताँई उकसावै।

1 कुरन्थीयो 5:1

मेरै सुणबा म आयो ह क थारै मांय कुकरम फेलर्यो ह अर अंय्यां का कुकरम तो परमेसरनै नइ ध्यारबाळा मिनख बी कोनी करै। अर कई तो आपकी सोतेली माँ क सागैई काळो मुंडो करै ह।

दरसाव 9:21

अर बे हत्या, जादू-टोणा, कुकरम अर चोरीऊँ तौबा कोनी कर्या।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

इबरानीआ 12:16

ध्यान द्‍यो क कोई कुकरमी नइ होवै अर नइ कोई एसाव की जंय्यां बिना परमेसर क होवै, जखो एक टेमकी रोटी खाबा ताँई आपका पेलीपोतको होबा का हकनै बेच दिओ।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

2 तिमूतियूस 3:2

क्युं क मिनख मतलबी, लालची, फाँप मारबाळो, मरोड़ म बाँका अर बुराई करबाळा, खुदका माँ-बाप को खयो नइ मानबाळा, दया नइ करबाळा, अधरमी होसी।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

2 पतरस 2:10

आ बात खासकर बा मिनखा प लागू होवै ह जखा काया की बुरी इंछ्या गेल चालीं हीं। अर परमेसर का अधिकारनै कोनी मानी। बे ढिट अर बादिला हीं, अर अंय्यां का मिनख ईस्बर नगरी की सक्‍तिया की बुराई करबाऊँ कोनी डरै।

1 पतरस 5:2

म थानै समजाऊँ हूँ क परमेसर की बिस्वासी मंडळी की जखी थारी देखरेख म ह बिकी रूखाळी करो। अर ओ काम कोईकै दबाव म आर मना करो पण परमेसर की इंछ्याऊँ राजी होर करो, अर धन का लालच की बजेऊँ ओ काम मना करो पण मन लगार इ कामनै करो।

तितूस 1:11

ओ जरूरी होगो ह क बाको मुंडो बंद कर्यो जाय। क्युं क बे पिसा कमाबा क चकरां म आपकी सीखऊँ घर-घरनै सई सीख प बिस्वास कोनी करबा दे।

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

1 तिमूतियूस 2:10

अंय्यां की भाण-बेटी जखी खुदनै परमेसर की भगत मानी हीं बा ताँई ओई चोखो ह क, बे खुदनै भला कामाऊँ सुवांरी।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

रोमीयो 16:2

क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।

रोमीयो 6:13

थारी काया का अंगानै अधरम का सादन होबा ताँई पाप क हाता म मना द्‍यो, पण मरेड़ा मऊँ जी उठबाळा की जंय्यां परमेसर क हाता म द्‍यो। अर थारी काया का अंगानै धरम का सादन होबा ताँई परमेसरनै सूप द्‍यो।

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।

भेजेड़ा चेला का काम 20:33

म कोईका सोना-चाँदी अर कपड़ा को लालच कोनी कर्यो।

लूका 16:14

पिसा का भूखा फरिसी आ सुणर ईसु को मजाक उडाबा लागगा।

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

लूका 12:15

अर ईसु बोल्यो, “चेता म रेह्ओ अर सगळा भात का लोभ लालचऊँ बच्या रेह्ओ क्युं क जीवन म धन दोलतई सक्यु कोनी।”