इफिसुस 5:29 - जीवन को च्यानणो (सेकावाटी नया नियम की पोथ्या)

^29-30 क्युं क कोईबी आपकी कायाऊँ कदैई बैर कोनी राखै पण बिनै पाळै-पोसै ह। आपा मसी की काया का अंग हां इ ताँई मसी बिस्वास्या की बिस्वासी मंडळीनै पाळै-पोसै ह।

इफिसुस 5:29 Referans Kwoze

इफिसुस 5:31

मोट्यारनै आपकी लूगाईनै पाळबो चाए इ ताँई परमेसर बोलै ह क, “मिनख आपका माँ-बापनै छोडर आपकी लूगाई क सागै रेह्सी अर बे दोन्यु एक जीव होसी।”

मत्ती 23:37

“ओ यरूसलेम का मिनखो थे परमेसर की खेबाळानै मारगेर्या अर जिनै परमेसर थारै कनै भेज्या बानै बी थे भाठा मार'र मारगेर्या हो। जंय्यां मुरगी आपका चुजानै पांखड़ा तळै भेळो करै ह बंय्यांई परमेसर बी कत्ती बार भेळो करबो चायो पण थे ओ कोनी चाया।

रोमीयो 1:31

बे बेबुदी का अर करारनै तोड़बाळा हीं। बे दुसरा प दया कोनी करै अर बाकै हिया म परेम कोनी।

मत्ती 6:26

थे अकास का पंछ्यानै देखो बे नइ तो बोवै ह अर नइ काटै, अर नइ बे आपकी ओबरी म नाज भेळो करै, जणा बी थारो ईस्बर नगरी परम-पिता बाको पेट भरै ह। के थे बाऊँ बेसी कोनी?

इफिसुस 5:28

मसी मंडळीऊँ परेम राखै ह, इ ताँई आ जरूरी ह क मोट्यार आपकी लूगायाऊँ अंय्यां को परेम राखै जंय्यां बो खुदकी कायाऊँ राखै ह क्युं क मोट्यार अर लूगाई एक काया जंय्यां हीं। अर जखो मोट्यार आपकी लूगाईऊँ प्यार-परेम राखै ह बो खुदऊँ परेम राखै ह।