इफिसुस 5:25 - जीवन को च्यानणो (सेकावाटी नया नियम की पोथ्या)

²⁵ ओ मोट्यारो, थे बी थारी लूगायाऊँ प्यार-परेम राखो जंय्यां मसी बिस्वासी मंडळीऊँ प्यार-परेम राख'र खुदकी ज्यान बिस्वासी मंडळी ताँई दे दिनी।

इफिसुस 5:25 Referans Kwoze

1 पतरस 3:7

अंय्यांई ओ मोट्यारो, थे बी थारी लूगाया क सागै समजदारीऊँ जीवन जीओ। अर लूगायानै थारूँ कम मजबूत अर जीवन का बरदान म थारी पाँतीवाळ मानर बाकी ईज्जत करो। जिऊँ थारी अरदास म कोई आट नइ आवै।

कलुसीयो 3:19

अर मोट्यारो, थे थारी लूगायाऊँ प्यार-परेम राखो, बाऊँ कल्डो बरताव मना करो।

इफिसुस 5:28

मसी मंडळीऊँ परेम राखै ह, इ ताँई आ जरूरी ह क मोट्यार आपकी लूगायाऊँ अंय्यां को परेम राखै जंय्यां बो खुदकी कायाऊँ राखै ह क्युं क मोट्यार अर लूगाई एक काया जंय्यां हीं। अर जखो मोट्यार आपकी लूगाईऊँ प्यार-परेम राखै ह बो खुदऊँ परेम राखै ह।

इफिसुस 5:33

इ ताँई थारै म हरेक मोट्यार आपकी लूगाईनै खुदकी जंय्यां परेम करै अर लूगाया बी आपका मोट्यारा की ईज्जत करै।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

यहून्ना 6:51

बा जीवती रोटी म हूँ जखी ईस्बर नगरीऊँ उतरी। जखो बी इ रोटीनै खासी बो सदाई जिंदो रेह्सी। अर इ जगत का मिनखानै जीबा ताँई जखी रोटी म देस्युँ, बो मेरो मास ह।”

1 तिमूतियूस 2:6

जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।

इफिसुस 5:24

इ ताँई जंय्यां बिस्वासी मंडळी मसी क बस म ह बंय्यांई लूगायानै बी चोखी बाता म आपका मोट्यारा क बस म रेह्णो चाए।