इफिसुस 5:15 - जीवन को च्यानणो (सेकावाटी नया नियम की पोथ्या)

¹⁵ इ ताँई थे ध्यान द्‍यो क कंय्यां को जीवन जीवो हो। अनाड़ी की जंय्यां मना जीओ पण बुदीमाना की जंय्यां जीवो।

इफिसुस 5:15 Referans Kwoze

कलुसीयो 4:5

अबिस्वास्या क सागै थारो बरताव सलिका को राखो अर हरेक मोका को चोखो फाईदो उठाओ।

याकूब 3:13

थार म स्याणो अर समजदार कूण ह? अर ज कोई अंय्यां को ह जणा बो आनै आपका चोखा जीवनऊँ, नरमाई अर बुदीऊँ भर्या कामाऊँ दिखावै।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

1 तिमूतियूस 6:9

पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

मत्ती 10:16

“सुणो म थानै ल्याळ्या क मांयनै लल्ड्या की जंय्यां भेजर्यो हूँ। इ ताँई थे साँप जंय्यां चलाक अर कबूतर की जंय्यां भोळा रेहज्यो।

1 थिसलूनिकी 5:15

कोईबी बुराई क बदलै बुराई नइ करै, पण सगळा मिनखा को अर एक दुसरा को भलो करबा की कोसिस करता रेह्ओ।

लूका 24:25

जणा ईसु बानै बोल्यो, “थे कंय्यां का बादु अर परमेसर की खेबाळा की बाता प बिस्वास करबा म ढिला हो।

गलातियो 3:3

थे अत्ता बावळा कंय्यां हो सको हो? के थे सोचो हो जखो काम पबितर आत्मा थारै मांयनै चालू कर्यो बिनै थे थारूँ पूरो कर सको हो?

इबरानीआ 12:25

ध्यान राखो, बि बोलबाळानै मना नकारो। ज बे बिनै नकारर कोनी बच पाया, जानै बो धरती पई चेतावनी दि ही, जणा ज आपा बिऊँ मुंडो फेरां, जखो ईस्बर नगरीऊँ चेतावनी देर्यो ह जणा बिऊँ कदैई कोनी बचस्यां।

मत्ती 27:24

पीळातुस आ देखर सोच्यो इब क्युंई कोनी हो सकै ज म भीड़ क खिलाप जास्युं तो दंगो हो सकै ह। इ ताँई बो पाणी लेर भीड़ क सामै हात धोर खयो, “इ मिनख की मोत म मेरो कोई लेणदेण कोनी आ थारी करनी ह।”

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

मत्ती 8:4

पण ईसु बिनै ओडायो, “इ बात क बारां म खिनई मना खिजे। पण याजक क कनै जार खुदनै दिखा अर मूसा की रीत गेल भेंट चढा जिऊँ मिनखानै तेरै निरोगो होबा को सबूत मिलै।”

इफिसुस 5:33

इ ताँई थारै म हरेक मोट्यार आपकी लूगाईनै खुदकी जंय्यां परेम करै अर लूगाया बी आपका मोट्यारा की ईज्जत करै।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

मत्ती 27:4

अर खयो, “म निरदोस मिनखनै धोकाऊँ पकड़ार पाप कर्यो हूँ।” अंय्यां सुणर बे बोल्या, “म्हानै इऊँ काँई लेणो ओ तो तेरो मामलो ह।”

मत्ती 25:2

आमै पाच तो स्याणी अर पाच नासमज ही।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।