इफिसुस 4:4 - जीवन को च्यानणो (सेकावाटी नया नियम की पोथ्या)

⁴ क्युं क एकई पबितर आत्मा ह अर आपा बिस्वासी एकई काया हां अर आपणी एकई आस ह जी ताँई परमेसर थानै बुलायो ह।

इफिसुस 4:4 Referans Kwoze

इफिसुस 2:18

मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

1 कुरन्थीयो 12:20

इ ताँई एक काया क सेस अंग होवै।

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

कलुसीयो 3:15

परमेसर थानै एक सागै एकई काया म स्यांतीऊँ रेह्बा ताँई बुलायो ह, जणा इब थे मसी जखी स्यांती थानै दि ह बिनै थारा हिया म राज करबा द्‍यो। अर परमेसर को धनेवाद करता रह्यो।

इफिसुस 2:22

अर थेबी ईसु मसी म मनदर होबा ताँई बणाया जार्या हो जिमै परमेसर बिकी पबितर आत्मा क जरिए बास करै ह।

इफिसुस 2:16

अर सुळी प ईसु मसी बैर-भावनै नास कर दोन्यानै एक काया बणार परमेसरऊँ मिला दिओ।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

तितूस 3:7

दयाऊँई आपा परमेसर क सामै सई हां अर अजर-अमर जीवन का वारिस होवां जिकी आपा आस राखां हां।

1 तिमूतियूस 1:1

म पोलुस, आपानै बचाबाळा परमेसर अर आपणी आस की निम मसी ईसु का हुकमऊँ मसी ईसु को भेजेड़ो चेलो बण्यो।

1 कुरन्थीयो 10:17

क्युं क जंय्यां रोटी एक ह बंय्यांई आपा बी बोळा होर एक की काया हां, क्युं क आपा सगळा बि एक रोटी मऊँ खावां हां।

2 कुरन्थीयो 11:4

म्हें जि ईसु क बारां म थानै बताया हा अर जखी पबितर आत्मा थानै मिली अर जखो चोखो समचार थे मान्या बिकै अलावा ज थे कोई मिनखनै दुसरा ईसु क बारां म बोलबा द्‍यो जणा इको मतबल ओई ह क थे ओरई ईसुनै, ओरई चोखा समचारनै अर ओरई आत्मानै मानबा अर लेबा ताँई राजी हो।

भेजेड़ा चेला का काम 15:11

म्हें ओ बिस्वास करां हां क परमेसर की दयाऊँ म्हें बी बचा लिआ गया हां जंय्यां क बे बचा लिआ गया हीं।”

रोमीयो 11:29

क्युं क परमेसर का बरदान अर बिको बुलाया जाबानै कोनी बदल्यो जा सकै।