इफिसुस 4:25 - जीवन को च्यानणो (सेकावाटी नया नियम की पोथ्या)

²⁵ इ ताँई झूठ बोलबो छोडर हरेक आपका संगी-साती बिस्वासीऊँ सच बोलै, क्युं क मसी म आपा सगळा एकई काया का अंग हां।

इफिसुस 4:25 Referans Kwoze

कलुसीयो 3:9

आपसरी म झूठ मना बोलो क्युं क थे थारा पुराणा सुभावनै जिमै बुरी बाण ही बिनै छोड दिओ।

रोमीयो 12:5

बंय्यांई आपा बोळा हां पण मसी क सागै एक होबा की बजेऊँ एक काया हां। इ ताँई आपणा मऊँ हरेक, एक दुसराऊँ जुड़ेड़ो ह।

इफिसुस 4:15

पण इकी बजाय आपानै प्यार-परेमऊँ सचाईनै बतार सगळी बाता म मसी म बढणो चाए। आपा बिस्वास्या को सीर मसी ह, जिमै सगळी काया का न्यारा-न्यारा अंग एक सागै जुड़्या रेह्‍वै। आ सगळी काया जोड़ा की मददऊँ एक सागै जुड़री ह। इ ताँई जद काया का अ न्यारा-न्यारा अंग प्यार-परेमऊँ आपको काम करै जणा सगळी काया मजबूती क सागै बढै ह।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

1 तिमूतियूस 4:2

अर अ सीख झूठा पाखंडी मिनखा की बजेऊँ फेलसी, जाकी अन्तर-आत्मा मरेड़ी ह।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

1 तिमूतियूस 1:10

कुकरमी, आदमी आदमी क सागै कुकरम करबाळा, मिनखानै बेचबाळा, झूठ बोलबाळा, अर झूठी सोगन खाबाळा, आकै अलावा खरी सीख को बिरोद करबाळा ताँई बताएड़ा ह।

2 कुरन्थीयो 7:14

क्युं क म बिकै आगै थारी खूब बडाई करी ही, अर इ ताँई मनै निचो कोनी देखणो पड़्यो। पण जंय्यां म्हें थानै सची-सची बोल्या हां, बंय्यांई थारै बारां म म्हारो गुमान तितूस क सामै सचाई क सागै परगट होयो।

तितूस 1:12

करेत टापू को रेह्बाळो बाकोई एक बडको खयो ह, “करेत का रेह्बाळा सदाई झूठ बोलै, अ जंगली ज्यानबर, आळसी अर पेटू हीं।”

1 कुरन्थीयो 10:17

क्युं क जंय्यां रोटी एक ह बंय्यांई आपा बी बोळा होर एक की काया हां, क्युं क आपा सगळा बि एक रोटी मऊँ खावां हां।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

इफिसुस 4:31

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्ओ।

कलुसीयो 3:8

पण इब थे आ सगळी चिजा क सागै, लाल-तातो होबो, दांत पिसबो, बैर बांदबो, दुसरा की बुराई करबो अर मुंडाऊँ गाळ्यां बकबानै छोड द्‍यो।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

1 पतरस 2:1

इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।