इफिसुस 4:21 - जीवन को च्यानणो (सेकावाटी नया नियम की पोथ्या)

^21-22 थे थारा पुराणा सुभावनै छोडद्‍यो जखो धोको देबाळी इछ्या गेल चालर थारो नास करर्यो हो। क्युं क थे तो पक्काई ईसु क बारां म सुण्या हो अर जखो सच बिमै ह बोई थानै सीखायो गयो,

इफिसुस 4:21 Referans Kwoze

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

यहून्ना 14:17

बा पबितर आत्मा ह, जखी परमेसर की सचाई थार प परगट करसी। बा इ दुनियानै कोनी मिल सकै, क्युंक आ दुनिया बिनै नइ तो देख सकै अर नइ जाण सकै, पण थे बिनै जाणस्यो, क्युंक बा थारै सागै थारै मांयनै रेह्सी।

2 कुरन्थीयो 11:10

अर ज मसी की सचाई मेरै मांयनै ह जणा अखाया दिसावर म कोईबी इ बात बेई मनै गुमान करबाऊँ कोनी रोक सकै।

2 कुरन्थीयो 1:20

क्युं क ईसु मसी म परमेसर का सगळा करार, हाँ म हीं अर आपा बी इ बजेऊँ खेवां हां क अंय्यांई होवै अर ओ परमेसर की मेमा ताँई होवै ह।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 10:27

मेरी लल्ड्या मेरी बोली पिछाणै ह, म बानै जाणू हूँ, अर बे मेरै गेल-गेल चालै ह।

यहून्ना 1:17

मूसा क जरिए परमेसर नेम-कायदा दिआ। पण दया अर सच ईसु मसी की बजेऊँ आयो।

लूका 10:16

ईसु आपका चेलाऊँ बोल्यो, “जखो थारी सुणै, बो मेरी बी सुणै। अर जखो थानै कोनी बद्दै, बो मनै बी कोनी बद्दै, अर जखो मनै कोनी बद्दै, बो मनै भेजबाळानै बी कोनी बद्दै।”

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

रोमीयो 10:14

पण बे जखा बिपै बिस्वास कोनी करीं, बिको नाम कंय्यां लेसी? अर बे जखा बिकै बारां म सुण्याई कोनी बिको बिस्वास कंय्यां करसी? अर जद ताँई बानै बताबाळो कोई कोनी जणा बे कंय्यां सुण सकीं हीं?

इफिसुस 2:17

मसी आर थानै जखा परमेसरऊँ दूर हा अर बानै जखा बिकन हा दोन्यानै स्यांती को चोखो समचार सुणायो।

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

कलुसीयो 1:6

चोखो समचार सगळा जगत म फळर्यो-फुलर्यो अर फेलर्यो बी ह। बंय्यांई जद थे परमेसर की दया क बारां म सुण्या अर सचमई बिनै समज्या हा जदऊँ लेर थारै म बी चोखो समचार फळर्यो-फुलर्यो अर फेलर्यो बी ह।