इफिसुस 4:18 - जीवन को च्यानणो (सेकावाटी नया नियम की पोथ्या)

¹⁸ बाकी मती मरेड़ी ह। बे आपकी अज्ञानता अर हिया की कलडाई की बजेऊँ परमेसर का जीवनऊँ न्यारा ह।

इफिसुस 4:18 Referans Kwoze

मत्ती 13:15

क्युं क आ मिनखा को मन काठो होगो आनै कानाऊँ सुणबो बंद होगो आकी आँख्या क पटी बंदगी नहिस बाकी आँख्या देखती, अर बाका कान सुणता अर बाका मन समजता जिऊँ बे पापऊँ मन फेर'र मेरै कनै आता जिऊँ म बानै छुटकारो देतो।

इफिसुस 2:12

अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा।

यहून्ना 12:40

“परमेसर बाकी आँख्यानै आँदी, अर बाका मनानै काठो कर दिओ, जिऊँ क बाकी आँख्या देख कोनी सकै, अर बाको मन समज कोनी सकै, कदै अंय्यां नइ होवै क बे खुदको मन मेर म लगावीं, अर म बानै निरोगो करूं।”

1 थिसलूनिकी 4:5

बस थारी काया की भूख मिटाबा ताँई थे ब्या मना करो जंय्यां परमेसरनै नइ ध्यारबाळा मिनख करीं हीं।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

कलुसीयो 1:21

बो बी एक टेम हो जद थे थारा बुरा बिचार अर बुरा कामा की बजेऊँ परमेसरऊँ आंतरै हा अर बिका बेरी हा।

1 यहून्ना 2:11

पण जखो बी मिनख आपका बिस्वासी भाण भायाऊँ नफरत करै ह बो इब बी अँधेरा मई हात मारतो भटकै ह अर अँधेरा मई जीवन जीवै ह। अर बो आबी कोनी जाणै क इ अँधेरा क मांयनै कठै जार्यो ह। क्युं क अँधेरो बिनै आँदो कर दिओ ह।

गलातियो 4:8

पेल्या थे परमेसरनै कोनी जाणता हा, थे बाका दास हा जखा सच म परमेसर कोनी हा।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

रोमीयो 1:28

अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं।

भेजेड़ा चेला का काम 17:30

परमेसर बि टेम का मिनखा को लेखो कोनी लेबो चायो जद बे बिनै कोनी जाणता हा, पण इब बो हुकम देवै ह क सगळी धरती का सगळा मिनख पापऊँ तौबा करै।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

रोमीयो 2:19

तू आ मानै ह क तू आँदा की आँख ह अर जखा अँधेरा म भटकर्या हीं बा ताँई च्यानणो ह,

मरकुस 3:5

ईसु झाळ्या म भर'र च्यारूमेर देख्यो अर बाका हियानै काठो देखर बो बोळो दुखी होयो। अर ईसु टुंडा मिनखनै बोल्यो, “तेरा हातनै सिदो करले।” अर बो आपका हातनै सिदो कर लिओ। अर बिको हात ओज्यु ठिक होगो।

2 कुरन्थीयो 3:14

पण हालताई बाकी बुदी काम कोनी करै अर बे बि पुराणीया करारनै बाची हीं इ बजेऊँ बाकै आज बी आँख्या प बोई परदो पड़्यो ह। ओ परदो मसीई हटा सकै ह।

भेजेड़ा चेला का काम 3:17

अर यहूदि भाई-भाणो, म जाणू हूँ क थे अर थारा यहूदि नेता जोक्यु बी कर्या बो अणभोळ म कर्या हा।

रोमीयो 11:7

जणा इऊँ काँई? इजरायल का मिनखानै बो कोनी मिल्यो जिनै बे टोवै हा, पण बो टाळेड़ानै मिलगो। जदकी बाक्या का मनानै काठो कर दिओ गयो।

1 कुरन्थीयो 2:8

इ दुनिया प राज करबाळा इ ज्ञाननै कोनी जाण्या। क्युं क ज बे इ ज्ञाननै जाणता जणा मेमाभर्या परबुनै सुळी प कोनी चढाता।

इफिसुस 2:1

पाप अर परमेसर का हुकमानै नइ मानबा की बजेऊँ थे आत्मिक रूपऊँ मरेड़ा हा।

इबरानीआ 5:2

बो अज्ञानी अर भटकेड़ा मिनखा क सागै नरमाईऊँ बरताव कर सकै ह। क्युं क बो खुद कमजोर्या क बस म ह।

इबरानीआ 9:7

पण परदा क गेलड़ै नाकै का भाग म खाली म्हायाजकई जा सकतो हो, अर बो बी बरस म खाली एकबर। अर म्हायाजक बी बिना बि लोय क कोनी जा सकतो हो जखो बो खुदका अर मिनखा का अणभोळ म करेड़ा पाप क बदलै चढायो जातो हो।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।