इफिसुस 4:14 - जीवन को च्यानणो (सेकावाटी नया नियम की पोथ्या)

¹⁴ जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

इफिसुस 4:14 Referans Kwoze

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

याकूब 1:6

पण जद थे माँगो जणा बिना भेम कर्या बिस्वासऊँ माँगो, क्युं क जखो भेम करै ह बो समदर की झाल की जंय्यां भेवै अर उछाळा मारै।

इफिसुस 6:11

अर परमेसर जखी लड़ाई की पोसाक अर हतियार थानै देवै ह बानै पेरल्यो जिऊँ सेतान की कळाबाजी क सामै खड़्या रेह सको।

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

2 तिमूतियूस 4:3

अंय्यां को टेम आर्यो ह जद मिनख चोखी सीखनै कोनी सुणसी, पण इकी झघा बे खुद ताँई अंय्यां का सीखाबाळा ढुंढलेसी। अंय्यां का सीखाबाळा बानै बे बाताई बतासी जखी सुणबो बानै चोखो लागै ह।

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

मत्ती 24:11

बोळा झूठा परमेसर की खेबाळा आसी अर लोगानै भटकासी।

1 यहून्ना 2:26

म अ बाता बा मिनखा बेई थानै मांडी ह जखा थानै भंगराबा की कोसिस करीं हीं।

2 तिमूतियूस 3:13

अर पापी अर धोकेबाज मिनख धोको देता अर धोको खाता बिगड़ताई जावीं।

2 कुरन्थीयो 4:2

म्हें बेसरमी का काम कोनी करां। नइ तो म्हें कपट राखां हां अर नइ झूठी बातानै परमेसर की कर बतावां हां। पण परमेसर क सामै म्हें सच बोलर्या हां अर जखा सचा हीं बेई इ बातनै जाणी हीं।

मत्ती 11:7

अर जद यहून्ना का चेला बठैऊँ चाल पड़्या जणा ईसु लोगानै बतिस्मो देबाळा यहून्ना क बारां म खेबा लाग्यो, “थे उजाड़ म काँई देखबा गया हा, भाळऊँ हालता कूचानै?

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

भेजेड़ा चेला का काम 23:21

पण थे बाकी मना मानज्यो, क्युं क बामैऊँ चाळिसऊँ बेसी मिनख बिकी घात म बेठ्या हीं, जखा आ सोगन खाराखी ह क, जद ताँई बे पोलुसनै नइ मार गेरीं जणा ताँई क्युंई कोनी खावीं पीवीं। अर बे इब त्यार हीं अर तेरी हामळनै उडिकीं हीं।”

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

याकूब 3:4

अर पाणी म चालबाळा जाहाजनैई देखल्यो। बे चाए दिखबा म कत्ताई बडा क्युं नइ हो अर बानै जोरकी भाळऊँ चलायो जावै ह, पण इकै वावजुद बी एक छोटीसी पतवारऊँ बानै चलाबाळा की इंछ्या गेल मोड़्यो अर जठै चाए बठै लेज्यायो जावै ह।

1 तिमूतियूस 3:6

बो बिस्वास म पक्को होणो चाए, क्युं क कदै अंय्यां नइ होवै क, बो सेतान की जंय्यां गुमान कर सजा पावै।

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

1 कुरन्थीयो 3:19

क्युं क परमेसर की नजर्या म इ दुनिया को ज्ञान बावळोपुणोई ह। अर पबितर सास्तर म मंडेड़ो ह क, “परमेसर ज्ञान्यानै बाकीई चतराई म फसावै ह।”