इफिसुस 4:12 - जीवन को च्यानणो (सेकावाटी नया नियम की पोथ्या)

¹² बो अंय्यां मसी की कायानै मजबूत करबा अर परमेसर का मिनखानै मसी की सेवा ताँई त्यार करबानै कर्यो।

इफिसुस 4:12 Referans Kwoze

1 कुरन्थीयो 12:27

अंय्यांई थे सगळा मिलर मसी की काया हो, अर हरेक बिकी काया का अंग हो।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

1 कुरन्थीयो 14:26

मेरा लाडला बिस्वास्यो, परमेसर को नाम लेबा ताँई जद बी एक सागै भेळा होवो जणा एक मिनख तो परमेसर को गुणगान गावै दुसरो सीख देवै, एक परमेसरऊँ आएड़ा दरसाव बतावै जदकी दुसरो न्यारी-न्यारी बोली म बोलै अर एक इको मतबल बतावै। अ सगळी बाता बिस्वासी मंडळीनै पक्को करबा ताँई होणी चाए।

रोमीयो 14:19

जणा, बा बाता म लाग्या रेह्ओ जखी स्यांतीनै बढावै ह अर एक दुसरा की आत्मिक बढोतरी म मदद करै ह।

1 तिमूतियूस 1:12

म आपणा परबु मसी ईसु जखो मनै ताकत दि ह, बिको गुण-एसान मानू हूँ क, बो मनै बिस्वास जोगो जाणर आपकी सेवा सूपी ह।

1 कुरन्थीयो 14:12

थार प बी अ बाता लागू होवै ह क्युं क थे आत्मिक बरदान पाबा ताँई उतावळा हो, थे आ कोसिस कर्या करो क थारा आत्मिक बरदानाऊँ बिस्वासी मंडळी पबितर आत्मा म पक्की होवै।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 6:1

इ ताँई आओ आपा मसी की सरूआती सीखनै छोडर स्याणा बणबा ताँई आगै बढता रेह्‍वां। अर आपानै ओज्यु बाई बाता म नइ पड़्यो रेह्बो चाए जखी बाता आपा सरूआत म सीखी ही जंय्यां क मोत कानि लेज्याबाळा करमाऊँ हियो फेरबो अर परमेसर प बिस्वास करबो,

2 कुरन्थीयो 6:3

म्हें कोई ताँई आखळी कोनी बणा जिऊँ कोईबी म्हारी सेवा प दोस कोनी लगा सकै।

2 कुरन्थीयो 5:18

अ सगळी बाता परमेसर करी ह। बो मसी की बजेऊँ आपणै सागै रिस्तो सई कर्यो अर आपानै परमेसर क सागै मिनखा को ओज्यु मेळमिलाप करबा की सेवा दिनी ह।

लूका 22:32

पण म तेरै ताँई परमेसरऊँ अरदास करी ह की तेरो बिस्वास बण्यो रेह्‍वै अर जद तू पाछो जीवन का गेला प आवै जणा तेरा भाई-भाणानै बिस्वास म पक्को करजे।”

2 तिमूतियूस 4:5

तू स्यांतीऊँ टिक्यो रेह अर दुख भोगबा ताँई त्यार रेह। चोखा समचारनै बोलबा ताँई कड़ी मेनत कर अर तेरी जुबाबदारीनै चोखा ढंगऊँ निभा।

कलुसीयो 4:17

अर परबु की सेवा ताँई जखा काम दियड़ा हीं बानै ढंगऊँ करबा ताँई अरखिप्पुसनै बोलजे।

कलुसीयो 1:28

म्हें मसी को परचार कर हरेक मिनखानै चितावां अर सगळा ज्ञानऊँ बानै सीखावां, जिऊँ हरेक मिनखनै मसी म सिद कर परमेसर क सामनै हाजिर कर सकां।

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

इफिसुस 1:23

बिस्वास्या की बिस्वासी मंडळी मसी की काया ह, अर बिकी सक्‍ति की भरपूरी च्यारूमेर ह।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

2 कुरन्थीयो 3:8

जणा जीवन ल्याबाळी सेवा जखी पबितर आत्मा गेल होवै ह बिऊँ बेत्ती भळका मारबाळी क्युं कोनी होसी?

1 कुरन्थीयो 14:14

क्युं क जद म न्यारी-न्यारी बोली म अरदास करूं हूँ जणा मेरी आत्मा अरदास करै ह पण मेरी बुदी काम कोनी करै।

रोमीयो 15:29

अर म जाणू हूँ क जद म थारै कनै आस्युं जणा मेरै सागै मसी का खूब आसिरबाद बी ल्यास्युं।

रोमीयो 15:2

आपणा मऊँ हरेक जणो बिस्वासी भाईड़ा की भलाई ताँई बिनै राजी करै जिऊँ बो मजबूत होवै।

रोमीयो 12:7

ज कोईसानै सेवा करबा को बरदान मिल्यो ह जणा बो सेवा करै, ज कोईसानै सीखाबा को बरदान मिल्यो ह जणा बो सीखावै।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

भेजेड़ा चेला का काम 9:31

जणा अंय्यां सगळा यहूदिआ, गलिल, अर सामरीया की बिस्वासी मंडळ्यानै स्यांती मिली। अर बिस्वास्या की बिस्वासी मंडळी मजबूत होती गई अर परमेसर का गुणगान करती गई। अर पबितर आत्मा का हियावऊँ गिणती म बढती गई अर परमेसर का डर म रेह्ती।

भेजेड़ा चेला का काम 1:25

जिऊँ बो थारी सेवा करबा ताँई इ भेजेड़ा चेला का ओदानै ले सकै, जिनै यहूदा छोडर जि झघा जोगो हो बठैई चलेगो।”

भेजेड़ा चेला का काम 1:17

बो आपणा मालोई हो, अर इ सेवा म बिको बी हिस्सो हो।

2 तिमूतियूस 4:11

मेरै सागै खाली लूकाई रिह्यो ह। चोखा समचारनै सुणाबा का काम म मरकुस मेरो बोळो मददगार हो सकै ह, इ ताँई बिनै टोर तेरै सागै लेतो आजे।

इफिसुस 4:29

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

इफिसुस 4:4

क्युं क एकई पबितर आत्मा ह अर आपा बिस्वासी एकई काया हां अर आपणी एकई आस ह जी ताँई परमेसर थानै बुलायो ह।

2 कुरन्थीयो 13:9

म्हें राजी हां जद म्हें कमजोर अर थे ताकतबर हो। अर आ अरदास बी करां हां क, थे मजबूतऊँ बी मजबूत बणो।

1 कुरन्थीयो 12:7

एक दुसरा की भलाई ताँई पबितर आत्मा खुद हरेक बिस्वासी क जरिए न्यारा-न्यारा तरिकाऊँ परगट होवै ह।

रोमीयो 12:5

बंय्यांई आपा बोळा हां पण मसी क सागै एक होबा की बजेऊँ एक काया हां। इ ताँई आपणा मऊँ हरेक, एक दुसराऊँ जुड़ेड़ो ह।

2 कुरन्थीयो 13:11

ओ मेरा लाडला बिस्वास्यो, म आखीरक आ बोलां क सागै इ चिठीनै बंद करूं हूँ, राजी रेह्ओ, थारो भेवार बदलो, एक दुसरानै हिमत बंधाओ, स्यांती अर मेळमिलापऊँ रेह्ओ। जणा परमेसर जखो स्यांती अर परेम को दातार ह, बो थारै सागै रेह्सी।