इफिसुस 4:1 - जीवन को च्यानणो (सेकावाटी नया नियम की पोथ्या)

¹ इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

इफिसुस 4:1 Referans Kwoze

कलुसीयो 1:10

जिऊँ थे परबु जंय्यां चावै ह बंय्यां जी सको अर हर बाता म सदाई परबु मसीनै राजी राख सको। थारै जीवन म भला कामा का फळ लागै अर थे परमेसर का ज्ञान म दिन-दिन बढता रह्यो।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

1 थिसलूनिकी 2:12

थारै मऊँ हरेकनै हिमत बंधाता, तसली देता अर समजाता हा क थारो चाल-चलन परमेसर जोगो होवै जखो थानै आपका राज अर मेमा म बुलावै ह।

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

1 कुरन्थीयो 4:16

इ ताँई म थारूँ अरदास करूं हूँ क थे मेरी सी चाल चालो।

2 थिसलूनिकी 1:11

इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

रोमीयो 12:1

इ ताँई मेरा लाडला बिस्वास्यो मेरी अरदास ह क, परमेसर जखी दया आपणा प दिखाई ह। बिकी बजेऊँ थारी कायानै पबितर अर जीवती भेंट चढावा क रूप म परमेसरनै चढा द्‍यो जखी बिनै राजी करै। क्युं क बिनै ध्यारबा को ओई सचो अर सई तरिको ह।

कलुसीयो 2:6

इ ताँई जंय्यां थे मसी ईसुनै परबु मान्यो ह, बंय्यांई बिमै बण्या रह्यो।

1 पतरस 3:9

थे बुराई क बदलै बुराई मना करो, गाळी क बदलै गाळी मना द्‍यो पण आकै बदलै आसिरबादई द्‍यो। क्युं क थानै अंय्यां करबा ताँई बुलायो गयो ह जिऊँ थे आसिरबाद का वारिस होवो। जंय्यां सास्तर म मंडर्यो ह,

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

2 यहून्ना 1:5

इ ताँई, ए स्याणी इब, म तनै कोई नयो आदेस कोनी मांडर्यो पण बोई हुकम ओडाऊँ हूँ जखो जुगाद म दिओ गयो हो। म चाऊँ हूँ क आपा सगळा बिस्वासी एक दुसराऊँ परेम राखां।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

फलिपी 3:14

जिऊँ म निसाना कानि सिदो-सिदो भागर बो इनाम जीतल्युँ जिताँई परमेसर मसी ईसु की बजेऊँ मनै ईस्बर नगरी जीवन ताँई बुलायो ह।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

इफिसुस 4:4

क्युं क एकई पबितर आत्मा ह अर आपा बिस्वासी एकई काया हां अर आपणी एकई आस ह जी ताँई परमेसर थानै बुलायो ह।

इफिसुस 3:1

इ बजेऊँ म, पोलुस थारै ताँई जखा गैर-यहूदि हो, मसी ईसु को दास हूँ, आई मेरै केदि होबा की बजे ह।

गलातियो 4:12

ओ मेरा लाडला बिस्वास्यो, म थारूँ अरदास करूं हूँ क थे मेरै जंय्यां बणो, क्युं क म बी थारी जंय्यां बण्यो हो। थे मेरो क्युंई बुरो कोनी कर्या।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

तितूस 2:10

बे मालिक क घर म चोरी-चकारी नइ करीं, पण पूरी तर्या चोखा अर बिस्वास जोगा बण्या रेह्‍वै जिऊँ आपानै बचाबाळा परमेसर क बारां म जखो सीखायो गयो ह हर कोई बिको मान करै।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

2 कुरन्थीयो 5:20

म्हें मसी ताँई ओ काम करां हां। अर थे आ मानो की परमेसर म्हारै जरिए थानै चेतावै ह। इ ताँई म्हें मसी क कानिऊँ थारूँ हात जो'ड़र खेवां हां क थे परमेसरऊँ मेळमिलाप करल्यो।

भेजेड़ा चेला का काम 9:31

जणा अंय्यां सगळा यहूदिआ, गलिल, अर सामरीया की बिस्वासी मंडळ्यानै स्यांती मिली। अर बिस्वास्या की बिस्वासी मंडळी मजबूत होती गई अर परमेसर का गुणगान करती गई। अर पबितर आत्मा का हियावऊँ गिणती म बढती गई अर परमेसर का डर म रेह्ती।

रोमीयो 11:29

क्युं क परमेसर का बरदान अर बिको बुलाया जाबानै कोनी बदल्यो जा सकै।

इफिसुस 2:10

आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।