इफिसुस 3:7 - जीवन को च्यानणो (सेकावाटी नया नियम की पोथ्या)

⁷ परमेसर की दया का दानऊँ म चोखा समचार को सेवक बण्यो अर बिकी काम करबाळी सक्‍तिऊँ मनै ओ दान मिलेड़ो ह।

इफिसुस 3:7 Referans Kwoze

इफिसुस 1:19

अर थे आ जाणो की बिकी सक्‍ति जखी आपा बिस्वास करबाळा म काम करै ह बा कत्ती म्हान ह। आ सक्‍ति आपणा म बंय्यांई पूरी ताकत क सागै काम करै ह,

इफिसुस 3:20

परमेसर सक्‍तिसाली ह अर आपणा म काम करबाळी बिकी सक्‍तिऊँ जखो बी आपा अरदास कर बिऊँ माँगा अर जत्तो सोचां हां बिऊँ बी बेत्ती बो कर सकै ह।

इफिसुस 3:2

परमेसर की दयाऊँ थारै भला ताँई जखा काम परमेसर मनै करबा ताँई दिओ ह बाकै बारां म थे पक्काई सुण्या हो।

2 कुरन्थीयो 3:6

अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

1 कुरन्थीयो 3:5

जणा थेई बताओ अपुलोस कूण ह अर पोलुस कूण ह? म्हें तो परमेसर का मामुलीसा सेवक हा जाकी बजेऊँ थे बिस्वास म आया। म्हारै मऊँ हरेक जणो बो काम करै ह जखो परमेसर म्हानै करबा ताँई दिओ ह।

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

गलातियो 2:8

क्युं क परमेसर, जखो पतरसनै भेजर यहूदि मिनखा म आपको काम कर्यो, इब बोई परमेसर मनै बी गैर-यहूदि मिनखा म भेजेड़ो चेलो बणार काम लेर्यो ह।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।