इफिसुस 3:2 - जीवन को च्यानणो (सेकावाटी नया नियम की पोथ्या)

² परमेसर की दयाऊँ थारै भला ताँई जखा काम परमेसर मनै करबा ताँई दिओ ह बाकै बारां म थे पक्काई सुण्या हो।

इफिसुस 3:2 Referans Kwoze

1 तिमूतियूस 1:11

आ खरी सीख धने परम-परधान परमेसर की लिला का बि चोखा समचार क गेल ह जखो मनै दिओ गयो ह।

2 तिमूतियूस 1:11

परमेसर मनै चोखा समचार को हेलो सुणाबा ताँई एक हलकारा, सीखाबाळा अर ईसु का भेजेड़ा चेला को काम दिओ ह।

इफिसुस 4:7

पण आपा सगळानै दया मिली ह अर जंय्यां मसी चायो बंय्यांई बो इ बरदाननै बाट्यो ह।

1 कुरन्थीयो 4:1

म्हारै बारां म मिनखानै अंय्यां सोचबो चाए क म्हें मसी का दास हां, अर परमेसर का भेदा का भंडारी हां।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

गलातियो 1:13

अर थे जाणो हो क म पेली यहूदि मत म कंय्यांसिक जीआ करतो हो। अर थे ओ बी जाणो हो क म परमेसर की बिस्वासी मंडळी का मिनखानै कंय्यां सताया करतो अर बिनै मिटाबा की कोसिस करतो हो।

भेजेड़ा चेला का काम 22:21

जणा बो मेरूँ बोल्यो, ‘जणा जा म तनै दूर-दूर ताँई गैर-यहूदि मिनखा क कनै भेजस्युं।’”

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

भेजेड़ा चेला का काम 13:2

जद बे बरत क सागै परमेसर की भगती करर्या हा बि टेमई पबितर आत्मा बाऊँ बोली, “मेर ताँई बरनाबास अर साऊलनै बि काम ताँई नाकै टाळो जि काम ताँई बानै बुलायो गयो ह।”

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

1 तिमूतियूस 1:4

अर बा क्हाण्या अर पिड्या प गोर नइ करै जखी राड़ करावै ह, अर परमेसर की बि इंछ्यानै पूरी कोनी करीं, जखी खाली बिस्वासऊँई पूरी हो सकै ह।

कलुसीयो 1:6

चोखो समचार सगळा जगत म फळर्यो-फुलर्यो अर फेलर्यो बी ह। बंय्यांई जद थे परमेसर की दया क बारां म सुण्या अर सचमई बिनै समज्या हा जदऊँ लेर थारै म बी चोखो समचार फळर्यो-फुलर्यो अर फेलर्यो बी ह।

कलुसीयो 1:4

क्युं क थे मसी ईसु प बिस्वास अर सगळा परमेसर का मिनखाऊँ प्यार-परेम राखो हो, आ बाता क बारां म म्हें सुण्या हां।

इफिसुस 4:21

थे थारा पुराणा सुभावनै छोडद्‍यो जखो धोको देबाळी इछ्या गेल चालर थारो नास करर्यो हो। क्युं क थे तो पक्काई ईसु क बारां म सुण्या हो अर जखो सच बिमै ह बोई थानै सीखायो गयो,

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

रोमीयो 11:13

आ इब म थारूँ, जखा यहूदि कोनी बोलर्यो हूँ, क्युं क जंय्यां खास तोर प तो म गैर-यहूदि मिनखा ताँई भेजेड़ो चेलो हूँ अर मनै मेरा काम प गुमान ह क्युं क इनै पूरी जीज्यानऊँ करूँ हूँ ,

इफिसुस 3:7

परमेसर की दया का दानऊँ म चोखा समचार को सेवक बण्यो अर बिकी काम करबाळी सक्‍तिऊँ मनै ओ दान मिलेड़ो ह।

इफिसुस 3:9

अर परमेसर का इ भेदनै सगळानै खोलर बताऊँ क ओ भेद कंय्यांसिक काम करै ह जखो आपा सगळानै बणाबाळा परमेसर क मांयनै जुगादऊँई लुखेड़ो हो।