इफिसुस 3:19 - जीवन को च्यानणो (सेकावाटी नया नियम की पोथ्या)

¹⁹ अर मसी का बि प्यार-परेमनै जाण सको जखो सगळी समजऊँ नाकै ह। अर थे परमेसर का सुभाव म भर्यापूरा होज्याओ।

इफिसुस 3:19 Referans Kwoze

इफिसुस 1:23

बिस्वास्या की बिस्वासी मंडळी मसी की काया ह, अर बिकी सक्‍ति की भरपूरी च्यारूमेर ह।

कलुसीयो 1:10

जिऊँ थे परबु जंय्यां चावै ह बंय्यां जी सको अर हर बाता म सदाई परबु मसीनै राजी राख सको। थारै जीवन म भला कामा का फळ लागै अर थे परमेसर का ज्ञान म दिन-दिन बढता रह्यो।

2 कुरन्थीयो 5:14

क्युं क मसी को परेम म्हानै बसमै राखै ह; अर म्हें समजगा क ज एक मिनख आपणा सगळा ताँई मर्यो जणा आपा सगळा बी मरगा।

यहून्ना 1:16

बिकी दया की भरपुरीऊँ आपानै एक क पाछै एक आसिरबाद मिल्यो ह।

फलिपी 4:7

जणा थानै परमेसर कानिऊँ बा स्यांती मिलसी जखी मिनखा की सोचऊँ बोळी परै ह अर आ स्यांती थारा दिल अर हिया की मसी ईसु म रूखाळी करसी।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

इफिसुस 3:18

जिऊँ थे परमेसर का सगळा मिनखा क सागै इ बातनै समजबा की सक्‍ति पाओ क मसी को प्यार-परेम कत्तो लामो-चोड़ो, कत्तो डूँगो अर कत्तो उचो ह।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

मत्ती 5:6

भागहाळा ह बे जखा धरम का काम करबा ताँई भूखा हीं; परमेसर बाकी इंछ्या पूरी करसी!

इफिसुस 5:25

ओ मोट्यारो, थे बी थारी लूगायाऊँ प्यार-परेम राखो जंय्यां मसी बिस्वासी मंडळीऊँ प्यार-परेम राख'र खुदकी ज्यान बिस्वासी मंडळी ताँई दे दिनी।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

रोमीयो 8:35

कूण ह जखो आपानै मसी का परेमऊँ न्यारो करसी? दुख नहिस मुसीबत नहिस दिन घालबो नहिस काळ नहिस कंगाली नहिस जोखम नहिस कटारी?

रोमीयो 8:39

अर नइ उचाई अर नइ गेराई अर नइ सरस्टि की कोई चिज आपानै परमेसर का बि परेमऊँ न्यारो कर सकै जखो आपणा परबु मसी ईसु म ह।

1 पतरस 1:8

थे बिनै बिना देख्याई परेम करो हो, अर अठै ताँई बिनै बिना देख्या बिपै बिस्वास कर अंय्यां राजी होवो हो, जिको बखान कोनी कर्यो जा सकै। अ बाता मेमाभरी ह।