इफिसुस 2:8 - जीवन को च्यानणो (सेकावाटी नया नियम की पोथ्या)

^8-9 क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

इफिसुस 2:8 Referans Kwoze

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

रोमीयो 4:16

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

रोमीयो 10:17

सुणबाऊँ बिस्वास उपजै ह अर सुणबो खाली मसी का बचनऊँई होवै।

भेजेड़ा चेला का काम 16:31

जणा बे बिऊँ बोल्या, “परबु ईसु म बिस्वास कर। अंय्यां करबाऊँ तू अर तेरो सगळो कूणबो छुटकारो पासी।”

यहून्ना 6:37

जोक्यु परम-पिता मनै देवै ह, बो मेरै कनै आसी अर म बिऊँ मुंडो कोनी फेरूं।

यहून्ना 5:24

“म थारूँ सची बोलुँ हूँ, जखा मेरी सुणर मनै भेजबाळा प बिस्वास करीं हीं, अजर-अमर जीवन बाको ह अर बो मिनख सजाऊँ बचज्यासी। बो मोतऊँ पार होर जीवन म बड़गो ह।

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

लूका 7:50

पण ईसु बि लूगाईऊँ खया, “तू राजी-खुसी जा क्युं क तेरो बिस्वासई तनै बचायो ह।”

मरकुस 16:16

अर जखो बी थारी बाता प बिस्वास करसी अर बतिस्मो लेसी बिको छुटकारो होसी अर जखो बिस्वास कोनी करसी बो पापी रेह्सी अर सजा भोगसी।

यहून्ना 3:36

जखो मिनख परमेसर का बेटा प बिस्वास करै, बिनै अजर-अमर जीवन मिलसी। पण जखो बिकी कोनी मानै, बि ताँई जीवन कोनी अर बो परमेसर की झाळ भोगसी।”

रोमीयो 4:5

पण ज कोई मिनख करम कोनी करै पण खाली बि परमेसर म बिस्वास करै जखो पाप्यानै धरमी बणावै ह, जणा बिको बिस्वासई बिकी धारमिक्‍ता खुवावै ह।

इफिसुस 2:10

आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

भेजेड़ा चेला का काम 13:39

थानै नेम-कायदा गेल छुटकारो कोनी मिल सकै, पण जखो बी बिपै बिस्वास करसी बिनै सगळा पापऊँ अजाद कर्यो जासी अर परमेसर क सामै धरमी बणायो जासी।

गलातियो 3:14

मसी ईसु आपानै इ ताँई छुटायो ह क अब्राहमनै दियड़ो आसिरबाद गैर-यहूदि मिनखानै मिल सकै, जिऊँ आपानै बिस्वास करबा की बजेऊँ पबितर आत्मा मिल सकै जिको करार करेड़ो ह।

यहून्ना 6:40

क्युं क मेरा परम-पिता की इंछ्या आ ह क जखो बी बेटानै देखै ह। अर बिपै बिस्वास ल्यावै ह बिनै अजर-अमर जीवन मिलै, अर आखरी दिन म खुद बिनै जीवा देस्युँ।”

यहून्ना 6:35

ईसु बाऊँ बोल्यो, “जीवन की रोटी म हूँ। जखो मेरै कनै आसी बो भूखो कोनी रेह्सी, अर बो जखो मेर प बिस्वास करसी कदैई तिसायो कोनी मरसी।

इफिसुस 1:19

अर थे आ जाणो की बिकी सक्‍ति जखी आपा बिस्वास करबाळा म काम करै ह बा कत्ती म्हान ह। आ सक्‍ति आपणा म बंय्यांई पूरी ताकत क सागै काम करै ह,

भेजेड़ा चेला का काम 14:27

बठै जार बे बिस्वासी मंडळी की सभा बुलार बानै बे सगळी बाता खे सुणाई जखी परमेसर गैर-यहूदिआ क मांयनै बाकै हाता करवायो अर कंय्यां गैर-यहूदि मिनखा ताँई सचा परमेसरनै मानबा को गेलो खुल्यो।

यहून्ना 6:65

अर बो बोल्यो, “जणाई तो म थारूँ बोल्यो हो क, जद ताँई खुद परम-पिता कोईनै मेरै कनै आबा कोनी देवै, जद ताँई कोई मेरै कनै कोनी आ सकै।”

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

यहून्ना 6:44

मेरै कनै कोई कोनी आ सकै। जद ताँई क मेरो परम-पिता जखो मनै भेज्यो ह बो बिनै मेरै कनै नइ ल्यावै, अर आखरी दिन म बिनै जिंदो कर देस्युँ।

1 पतरस 1:5

थे, जानै परमेसर थारै बिस्वास क जरिए आपकी ताकतऊँ बि छुटकारा ताँई बचावै ह जखो अंत घड़ी म परगट कर्यो ज्यासी।

फलिपी 1:29

क्युं क मसी प बिस्वास करबा को सोभागई नइ पण बि ताँई दुख उठाबा को बी सोभाग थानै दियड़ो ह;

रोमीयो 10:14

पण बे जखा बिपै बिस्वास कोनी करीं, बिको नाम कंय्यां लेसी? अर बे जखा बिकै बारां म सुण्याई कोनी बिको बिस्वास कंय्यां करसी? अर जद ताँई बानै बताबाळो कोई कोनी जणा बे कंय्यां सुण सकीं हीं?

मत्ती 16:17

ईसु अंय्यां सुणर बिनै बोल्यो, “ओ समोन योना का बेटा तू भागहाळो ह क्युं क आ बात तू कोई मिनख की सुणर कोनी बोली पण तेर प ईस्बर नगरी म रेह्बाळो मेरो परम-पिता परगट करी ह।

भेजेड़ा चेला का काम 16:14

बा लूगाया म थुआतिरा नगरीऊँ लुदिआ नाम की एक लूगाई ही जखी मेंगा भाव का गाबा बेच्या करती ही अर बा परमेसर की भगत ही। परबु बिका मन का पाट खोल दिआ अर बा पोलुस की बाता प गोर करी।

2 थिसलूनिकी 1:9

बे परबु क सामैऊँ अर बिकाळी सक्‍ति की मेमाऊँ नाकै कर दिआ जासी अर जुग-जुग ताँई सजा भोगसी।

भेजेड़ा चेला का काम 15:11

म्हें ओ बिस्वास करां हां क परमेसर की दयाऊँ म्हें बी बचा लिआ गया हां जंय्यां क बे बचा लिआ गया हीं।”

रोमीयो 9:16

जणा आ बात नइ तो कोईकी इंछ्याऊँ होवै अर नइ कोई क भाग-दोड़ करबाऊँ पण आ तो दयालु परमेसर की बात ह।

इबरानीआ 6:4

क्युं क जखा मिनखनै एकर परमेसर को ज्ञान मिलगो, जखो ईस्बर नगरी का बरदाना को सुवाद चखलिओ, जखो पबितर आत्मा को संगरो कर लिओ,

मत्ती 20:9

जणा बो बा मजुरियानै जखा पाचेक बजैसीक आया हा बानै एक-एक दिनार मजुरी दिनी।