इफिसुस 2:6 - जीवन को च्यानणो (सेकावाटी नया नियम की पोथ्या)

⁶ अर मसी क मरेड़ा म जी उठबा की बजेऊँ बो आपानै ईस्बर नगरी म मसी ईसु क सागै राज करबा ताँई जीवायो।

इफिसुस 2:6 Referans Kwoze

इफिसुस 1:3

परमेसर अर आपणा परबु ईसु मसी का परम-पिता की जे हो, जखो इ सरस्टिनै रचबा क पेल्याई आपा बिस्वास्यानै मसी म टाळ लिओ। बो आपानै टाळ्यो जिऊँ आपा बिकी नजर्या म पबितर अर निरदोस होवां। जणाई बो ईसु मसी म आपानै ईस्बर नगरी म सगळा भात का आत्मिक आसिरबाद दिआ हीं। अर परमेसर खुदका परेम की बजेऊँ

यहून्ना 12:26

जखो बी मेरी सेवा करबो चावै ह, बिनै मेरै गेल चालनो पड़सी जिऊँ क मेरा दास मेरै सागैई रेह्‍वै। जखो मेरी सेवा करसी, बानै मेरो परम-पिता मान देसी।

यहून्ना 14:3

बठै थारै ताँई झघा बणाया पाछै म थानै लेबा आस्युं। बिकै पाछै आपा सागैई रेहस्यां।

मत्ती 26:29

म थानै सची खेऊँ हूँ म इबऊँ आ अँगूरी जद ताँई कोनी पीस्युं जद ताँई मेरा परम-पिता का राज म थारै सागै नई नइ पीऊँ।”

लूका 12:37

बे दास बडा भागहाळा हीं, जखा मालिकनै चेता म लाधै। अर म सची-सची बोलुँ हूँ, “बो बी आपको गमछो खोलर बानै बिठार रोटी परूससी।

कलुसीयो 1:18

इ काया रूपी बिस्वासी मंडळी को सीर अर जीवन की सरूआत बोई ह। अर मरेड़ा मऊँ जी उठबाळा म पेलीपोत को बोई ह, इ बजेऊँ सगळी बाता म पेली झघा बिनैई मिलै।

इफिसुस 1:1

म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ।

इफिसुस 2:10

आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।

इफिसुस 2:13

पण थे जखा पेल्या परमेसरऊँ दूर हा, इब मसी ईसु का लोयऊँ कनै ल्याया गया हो।