इफिसुस 2:3 - जीवन को च्यानणो (सेकावाटी नया नियम की पोथ्या)

³ साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

इफिसुस 2:3 Referans Kwoze

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

रोमीयो 6:12

इ ताँई थारी नसबर काया प पाप को जोर मना चालबा द्‍यो। जिऊँ थे पाप की इंछ्या प कदैई नइ चाल सको।

1 यहून्ना 2:16

क्युं क इ दुनिया म बुरी इंछ्या, घमंड, काया की बुरी लालसा ह अ बाता परम-पिता क कानिऊँ कोनी पण इ दुनिया क कानिऊँ आवै ह।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

1 कुरन्थीयो 4:7

थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?

रोमीयो 7:18

हाँ म जाणू हूँ क मेरा पापी मिनख सुभाव म कोईबी चोखी चिज को बास कोनी। भलाई करबा की इंछ्या तो मेरै मांयनै ह पण भलाई का काम मेरूँ कोनी होवै।

मरकुस 4:19

पण जीबा को घ्यार, मो-माया को लालच अर मन की बुरी बाता बाका हिया मई बचननै दबा देवै ह, इ ताँई बे बीज फळै कोनी।

रोमीयो 11:30

जंय्यां क थे गैर-यहूदि पेल्या परमेसर का कह्या म कोनी चालता हा। पण इब यहूदि परमेसर का कह्या म नइ चालबा की बजेऊँ परमेसर की दया थार प होई ह।

रोमीयो 9:22

अंय्यांई परमेसर बी आपकी झाळ अर नफरतनै नास होबाळा प परगट करबो चावै हो। इकै बावजुद बी बो बा झाळ अर नफरत जोगा नास होबाळा ताँई बोळी सबर करी।

यहून्ना 1:13

एक टाबर, जंय्यां मिनखऊँ बिकी इंछ्या गेल जलमै ह, बि तरिकाऊँ जलम'र बे परमेसर का टाबर कोनी बण्या, पण परमेसर की इंछ्याऊँ आत्मिक रूपऊँ जलम लेर परमेसर का टाबर बण्या हीं।

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

1 तिमूतियूस 6:9

पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

रोमीयो 1:24

इ ताँई परमेसर बानै बाका हिया की सरमनाक इंछ्या ताँई छोड दिओ, क बे असुद होवीं अर एक दुसरा की काया क सागै ओछोपुणो करै।

1 यहून्ना 2:8

म थानै एक ओर नयो आदेस मांडूँ हूँ। इकी सचाई मसी का जीवन म अर थारा जीवन म परगट होई ह। क्युं क अँधेरो मिटर्यो ह अर सचो च्यानणो चमकबा लागगो ह।

भेजेड़ा चेला का काम 14:16

बितेड़ा टेम म बो धरती का सगळा मिनखानै बाकी इंछ्या गेल चालबा दिओ।

रोमीयो 2:14

जद परमेसरनै नइ ध्यारबाळा जखा नेम-कायदा का नियमानै कोनी जाणै इकै पाछै बी ज बे आपकी समजऊँ नेम-कायदा की बातानै मानै जणा बे बिना नेम-कायदाई खुद ताँई नेम-कायदा ह।

रोमीयो 5:9

इब जद आपा बिका लोयऊँ धरमी होगा हां जणा परमेसर की झाळऊँ क्युं कोनी बचाया ज्यास्यां।

रोमीयो 5:10

क्युं क बि टेम का जद आपा परमेसर का बेरी हा, जणा परमेसर आपका बेटा की मोत क जरिए आपणो मेळमिलाप खुदऊँ कर्यो। अर इब जद आपणो मेळमिलाप होगो जणा मसी क जिबाऊँ पक्काई बचाया ज्यास्यां।

कलुसीयो 1:21

बो बी एक टेम हो जद थे थारा बुरा बिचार अर बुरा कामा की बजेऊँ परमेसरऊँ आंतरै हा अर बिका बेरी हा।

1 थिसलूनिकी 4:13

मेरा लाडला बिस्वास्यो, म्हें चावां हां क थे मरेड़ा क ओज्यु जी उठबा का सचनै जाणो, जिऊँ थे बिस्वास नइ करबाळा मिनखा की जंय्यां थारा बिस्वासी मरेड़ा मिनखा ताँई बेआस होर दुखी नइ होवो।

1 थिसलूनिकी 5:6

इ ताँई दुसरा की जंय्यां आपानै सुत्यो नइ रेह्णो चाए, पण खुदनै बस म राख'र चेता म अर जागतो रेह्णो चाए।