इफिसुस 2:19 - जीवन को च्यानणो (सेकावाटी नया नियम की पोथ्या)

¹⁹ इ ताँई इब थे परमेसर की नजर्या म बारला कोनी हो, पण परमेसर का मिनखा क सागै परमेसर का घरबार का बणग्या हो।

इफिसुस 2:19 Referans Kwoze

फलिपी 3:20

पण आपा तो ईस्बर नगरी का रेह्बाळा हां, अर आपणानै बचाबाळा परबु ईसु मसी की जखो ईस्बर नगरीऊँ आबाळो ह आस लगार बाट उडिकर्या हां।

1 यहून्ना 3:1

सोचो परम-पिता आपणाऊँ कतो बेत्ती परेम कर्यो ह, जिऊँ क आपा बिका टाबर खुवा सकां अर सच म आपा हां बी। आ दुनिया परमेसरनै कोनी जाणी आई बजे ह क बा आपानै बी कोनी जाणै।

गलातियो 6:10

जणा जठै ताँई मोको मिलै, आपा सगळा क सागै भलाई करां, अर खास कर बिस्वासी भाईड़ा क सागै।

इफिसुस 2:12

अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा।

इफिसुस 3:6

ओ भेद ओ ह क मसी का चोखा समचारनै मानबा की बजेऊँ गैर-यहूदि मिनख यहूदि मिनखा क सागै बापोती का हिस्सेदार होर, परमेसर का आसिरबाद म सामिल होगा; अर एकई काया का अंग अर मसी ईसु म करेड़ा बादा का हिस्सेदार होगा।

इबरानीआ 11:13

अ सगळा बिस्वास क सागैई मर्या। अर आ मिनखानै बे चिजा कोनी मिली जाको बादो कर्यो गयो हो पण अ बानै दूरऊँ देखर राजी होया। अर बे मान लिआ क बे इ जगत म अणजाण अर परदेसी ह।

मत्ती 10:25

इ ताँई चेलानै गरूजी क बराबर होबा म अर दासनै मालिक क बराबर होबा मई सबर राखबो चाए। अर जद बे मिनख घर का मालिकनैई बालजबुल खेवै ह जणा बिका घर का मिनखा क सागै तो ओर बी बुरो सलुक करसी!

इबरानीआ 13:14

क्युं क अठै आपणै ताँई सदाई रेह्बाळी नगरी कोनी, पण आपा तो बि आबाळी नगरीनै उडिकर्या हां।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।