इफिसुस 2:18 - जीवन को च्यानणो (सेकावाटी नया नियम की पोथ्या)

¹⁸ मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।

इफिसुस 2:18 Referans Kwoze

इफिसुस 3:12

ईसु मसी क सागै संगत अर बिपै आपणा बिस्वास की बजेऊँई आपा बेधड़क अर सगळा भरोसा क सागै परमेसर क सामै जा सकां हां।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

रोमीयो 5:2

बिस्वास की बजेऊँ बो आपानै परमेसर की दया म ल्यायो जिमै आपा इब जिर्या हां अर परमेसर की मेमा की आस प गुमान करां हां।

इफिसुस 4:4

क्युं क एकई पबितर आत्मा ह अर आपा बिस्वासी एकई काया हां अर आपणी एकई आस ह जी ताँई परमेसर थानै बुलायो ह।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 10:9

बारनो म हूँ, अर जखो बी मेरै जरिए मांयनै आसी बो बचायो जासी। बो बार-भीतर आई-जाई करसी अर धपायो जासी।

यहून्ना 10:7

जणा ईसु ओज्यु बोल्यो, “म थारूँ सची बोलुँ हूँ, लल्ड्या ताँई बारनो म हूँ।

कलुसीयो 1:12

परम-पितानै धनेवाद देता रह्यो, बो थानै इ जोगो बणायो ह क उजाळा का राज म जोक्यु परमेसर आपका मिनखा ताँई धर राख्यो ह बिमै थारी पाँती होवै।

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

रोमीयो 8:15

क्युं क जखी आत्मा थानै दि गई ह, बा थानै ओज्यु दास बणाबा नहिस डराबा ताँई कोनी पण आपानै बिकी ओलाद बणाबा ताँई ह जिऊँ आपा “अब्बा, परम-पिता” खेर बुलावां हां।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

1 कुरन्थीयो 8:6

पण आपणो तो एकई परमेसर ह अर बो आपणो परम-पिता ह बोई सक्यानै रच्यो। अर एकई परबु ह, अर बो परबु ईसु मसी ह जिमै सगळी चिजा ह अर जिमै सक्यानै रच्यो गयो अर जिमै आपा जीवां हां।

इबरानीआ 7:19

क्युं क नेम-कायदा ख्यानैई निधान कोनी बणायो। पण एक अंय्यां की चोखी आस की पिछाण कराई गई ह जिकै जरिए आपा परमेसर क कनै जा सकां हां।

इफिसुस 3:14

भाईड़ो इ ताँई म परमेसर क आगै जखो ईस्बर नगरी अर धरती उपर का सगळा कूणबा को परम-पिता ह थारै ताँई बिऊँ अरदास करूं हूँ क,

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

1 पतरस 1:17

थे बिनै, “परम-पिता” खेर हेलो द्‍यो हो, इकै वावजुद बी बो थारा कामा को दोगलापुणाऊँ न्याय कोनी करै। क्युं क बिकी नजर्या म सगळा मिनख बराबर ह अर बो सगळा को न्याय बाकै करमा गेल करै ह। जणा थे थारा इ जीवन म बिकै खया प चालो क्युं क थे इ धरती प परदेसी की जंय्यां हो।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

याकूब 3:9

आपा जीबऊँई परबु अर परम-पिता की जे-जैकार करां हां अर इऊँई परमेसर का रूप म बणाएड़ा मिनखनै सराप देवां हां।