इफिसुस 2:11 - जीवन को च्यानणो (सेकावाटी नया नियम की पोथ्या)

¹¹ इ ताँई थे इ बातनै याद करो क थे जलमजात गैर-यहूदि हो, अर काया म मिनखा क हाता सुन्नत करवायड़ा मिनख जानै इ बात प घमंड ह थानै बिना सुन्नतहाळा बोलै ह,

इफिसुस 2:11 Referans Kwoze

कलुसीयो 2:11

थारा खुदका पापी सुभाव का छुटकारा ताँई थारी सची सुन्नत मिनखा क हाताऊँ नइ पण मसीऊँ करेड़ी ह।

कलुसीयो 2:13

मसी प बिस्वास करबाऊँ पेल्या थे थारा पाप की बजेऊँ आत्मा म मरेड़ा अर बिना सुन्नतहाळा हा। पण इब परमेसर थानै मसी क सागै जीवायो अर सगळा पापऊँ आपणानै माफ कर दिओ;

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

कलुसीयो 1:21

बो बी एक टेम हो जद थे थारा बुरा बिचार अर बुरा कामा की बजेऊँ परमेसरऊँ आंतरै हा अर बिका बेरी हा।

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

गलातियो 6:12

जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

गलातियो 2:15

आपा तो जलमजात यहूदि हां, पापी गैर-यहूदि मिनखा की जंय्यां कोनी हां।

रोमीयो 2:26

ज कोई गैर-यहूदि जखो बिना सुन्नत हाळो ह नेम-कायदा प चालै जणा बिनै सुन्नत हाळो नइ होबा प बी परमेसर सची सुन्नत हाळो गिणसी।

रोमीयो 2:27

तू जिकी सुन्नत होईड़ी ह अर तेरै कनै मंडेड़ो नेम-कायदो बी ह इकै पाछै बी तू नेम-कायदा का नियमानै तोड़ै जणा जिकी कायाऊँ सुन्नत कोनी होईड़ी पण नेम-कायदा प चालै ह, बो तनै दोसी बतासी।

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

मत्ती 20:7

बे बोल्या, ‘म्हानै कोई मजुरी पई कोनी राख्यो।’ बो जमीदार बोल्यो, ‘थे माखाळा अँगूरा का बाग म जार काम प लागज्याओ।’