इफिसुस 1:6 - जीवन को च्यानणो (सेकावाटी नया नियम की पोथ्या)

⁶ परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह!

इफिसुस 1:6 Referans Kwoze

कलुसीयो 1:13

परमेसर आपणानै अँधकार की सक्‍तिऊँ छुटार आपका लाडला बेटा क राज म बाड़्यो ह।

इफिसुस 1:12

जणाई म्हें मसी प आस लगाबाळा पेला हां, परमेसर की मेमा ताँई जे-जैकार करां हां।

फलिपी 4:19

अर बिका सगळा भर्यापूरा धन क सागै मेरो परमेसर मसी ईसु क हाता थारी सगळी जुर्तानै पूरी करसी।

मत्ती 3:17

जणा अकासऊँ हेलो आयो, “ओ मेरो लाडलो बेटो ह, जिऊँ म बोळो राजी हूँ।”

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

फलिपी 1:11

धारमिक्‍ता का चोखा लखणाऊँ थारो जीवन भरज्यावै, जखो परमेसर की मेमा अर जे-जैकार ताँई ईसु मसीऊँ मिलै ह।

इफिसुस 1:14

आ पबितर आत्मा इ बात की जामनी ह क परमेसर आपका मिनखा ताँई जखो बादो कर्यो ह बो पूरो होज्यासी, अर आपणानै ओ बिस्वास दिलावै क जखा बी बिका ह बानै परमेसर पूरो-पूरो छुटकारो दिलासी जिऊँ बिकी मेमा की जे-जैकार होवै।

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

2 कुरन्थीयो 4:15

अ सगळी बाता थारै ताँई करी जारी ह जिऊँ परमेसर की दया बेत्तीऊँ बेत्ती मिनखा ताँई पुगै, जिऊँ बे परमेसरनै धनेवाद देसी अर परमेसरनै मोकळी मेमा मिलसी।

1 पतरस 2:5

जणा इब थे बी जीवता भाठा की जंय्यां हो, जाऊँ परमेसर आपको आत्मिक घर बणार्यो ह। थे पबितर याजक बी हो, जखा आपका आत्मिक चढावानै ईसु मसी क जरिए परमेसरनै राजी करबा ताँई चढाओ हो।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

रोमीयो 8:1

जणा इब मसी ईसु म जिबाळा ताँई कोई दंड कोनी,

यहून्ना 10:17

परम-पिता मेरूँ प्यार-परेम करै ह क्युं क म मेरी मरजीऊँ पिराण द्‍युँ हूँ, जिऊँ मेरो पिराण पाछो मिल सकै।

यहून्ना 3:35

परम-पिता आपका बेटाऊँ परेम करै ह अर बिकै हाता म सक्यु सूप दिओ ह।

लूका 2:14

क, “ईस्बर नगरी म परमेसर की जे-जैकार हो अर धरती प बा मिनखानै स्यांती मिलै जिऊँ बो राजी ह।”

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

फलिपी 3:9

अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

मत्ती 20:9

जणा बो बा मजुरियानै जखा पाचेक बजैसीक आया हा बानै एक-एक दिनार मजुरी दिनी।