इफिसुस 1:20 - जीवन को च्यानणो (सेकावाटी नया नियम की पोथ्या)

²⁰ जंय्यां बो इ सक्‍तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही।

इफिसुस 1:20 Referans Kwoze

इबरानीआ 10:12

पण ईसु मसी तो एक याजक क रूप म एकरई पाप क बदलै सदा ताँई को चढाओ चढार परमेसर क दायणै हात जार बेठगो।

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

कलुसीयो 3:1

मसी मरेड़ा मऊँ ओज्यु जीवायो गयो इ बजेऊँ थे आत्मा म जीवाया गया हो। इ ताँई थे ईस्बर नगरी हाळी चिजानै टोल्यो। जठै मसी परमेसर का दायणै हात कानि बिका सिंघासन प बिराजर्यो ह।

फलिपी 3:10

म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

मरकुस 14:62

ईसु बोल्यो, “हाँ म बोई हूँ अर थे मिनख का बेटानै सऊँ सक्‍तिसाली परमेसर क दाया हात बेठ्यो अर अकास म बादळा क सागै आतो देखस्यो।”

मत्ती 26:64

ईसु बोल्यो, “हाँ जंय्यां थे बोलो हो म बोई हूँ। अर थे मिनख का बेटानै सऊँ सक्‍तिसाली परमेसर क दाया हात बेठर राज करता देखस्यो। अर थे मनै ईस्बर नगरीऊँ बादळा मऊँ आतो बी देखस्यो।”

दरसाव 1:17

जद म बिनै देख्यो जणा बिका पगा म मरेड़ा मिनख की जंय्यां पड़गो। अर बो आपको दाइणो हात मेर प धर मेरूँ बोल्यो, “डरै मना। म पेलो अर आखरी हूँ।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

इबरानीआ 2:9

पण आपा ईसुनै जखो ईस्बर नगरी दुताऊँ चिनोसोई कम बणायो गयो हो, इब बिनै मेमा अर मान को मुकट पेर्या देखां हां, क्युं क बो मोत की पिड़ा भोगी ह। जिऊँ क बो परमेसर की दयाऊँ सगळा मिनखा ताँई मोत भोगै।

इफिसुस 1:3

परमेसर अर आपणा परबु ईसु मसी का परम-पिता की जे हो, जखो इ सरस्टिनै रचबा क पेल्याई आपा बिस्वास्यानै मसी म टाळ लिओ। बो आपानै टाळ्यो जिऊँ आपा बिकी नजर्या म पबितर अर निरदोस होवां। जणाई बो ईसु मसी म आपानै ईस्बर नगरी म सगळा भात का आत्मिक आसिरबाद दिआ हीं। अर परमेसर खुदका परेम की बजेऊँ

भेजेड़ा चेला का काम 26:8

परमेसर मरेड़ानै जीवावै ह आ बात थारै अठै बिस्वास जोगी क्युं कोनी समजी जावै?

भेजेड़ा चेला का काम 10:40

पण तीसरा दिन बिनै परमेसर ओज्यु जिंदो कर म्हारै प परगट कर्यो।

भेजेड़ा चेला का काम 4:10

जणा थानै अर इजरायल का सगळा रेह्बाळानै ओ बेरो होज्याणो चाए, क ओ मिनख जखो थारी आँख्या क आगै चोखो-भलो निरोगो खड़्यो ह ओ ईसु मसी नासरी का नामऊँ निरोगो होयो ह। ओ बोई ईसु ह जिनै थे सुळी प चढायो हो अर जिनै परमेसर मर्या पाछै ओज्यु जीवायो हो।

यहून्ना 10:30

म अर मेरो परम-पिता एकई हां।”

यहून्ना 10:18

मेरा पिराणा मेरूँ कोई कोनी ले सकै, पण बिनै म खुदई देऊँ हूँ। मनै ओ हक ह क म इनै दे सकूँ अर इनै पाछो ले सकूँ। अंय्यां करबा को हुकम मनै परम-पिता दिओ ह।”

कलुसीयो 1:16

बिऊँई परमेसर सगळी चिजा बणायो चाए बे ईस्बर नगरी अर धरती की, दिखबाळी हो अर नइ दिखबाळी उपरी सक्‍तियानै मिलार, चाए राजा हो चाए म्हराजा, चाए राजकरबाळो हो चाए कोई अधिकारी सक्यु बिऊँई रचायो गयो ह अर बि ताँई रचायो गयो ह।