इफिसुस 1:19 - जीवन को च्यानणो (सेकावाटी नया नियम की पोथ्या)

¹⁹ अर थे आ जाणो की बिकी सक्‍ति जखी आपा बिस्वास करबाळा म काम करै ह बा कत्ती म्हान ह। आ सक्‍ति आपणा म बंय्यांई पूरी ताकत क सागै काम करै ह,

इफिसुस 1:19 Referans Kwoze

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

इफिसुस 3:20

परमेसर सक्‍तिसाली ह अर आपणा म काम करबाळी बिकी सक्‍तिऊँ जखो बी आपा अरदास कर बिऊँ माँगा अर जत्तो सोचां हां बिऊँ बी बेत्ती बो कर सकै ह।

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

2 कुरन्थीयो 4:7

आपणा जंय्यां का माटी का भांढा म आत्मिक जागिर धर राखी ह अर आ अनोरी सक्‍ति आपणी कोनी ह पण परमेसर की ह।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

इफिसुस 6:10

आखरी बात आ ह क परबु अर बिकाळी सक्‍ति म तगड़ा बणज्याओ।

इफिसुस 3:7

परमेसर की दया का दानऊँ म चोखा समचार को सेवक बण्यो अर बिकी काम करबाळी सक्‍तिऊँ मनै ओ दान मिलेड़ो ह।

इफिसुस 2:10

आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

2 थिसलूनिकी 1:11

इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

यहून्ना 3:6

मिनख मिनखनै जलम दे सकै ह, पण बा पबितर आत्मा ह जिकै जरिए बो आत्मिक रूप म जलमै ह।

फलिपी 3:21

बो सगळी चिजानै आपकै बस म करबाळी खुदकी सक्‍तिऊँ आपणी माड़ी अर नसबर कायानै बदलर खुदकी मेमाभरी काया जंय्यां की कर देसी।

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!