इफिसुस 1:14 - जीवन को च्यानणो (सेकावाटी नया नियम की पोथ्या)

¹⁴ आ पबितर आत्मा इ बात की जामनी ह क परमेसर आपका मिनखा ताँई जखो बादो कर्यो ह बो पूरो होज्यासी, अर आपणानै ओ बिस्वास दिलावै क जखा बी बिका ह बानै परमेसर पूरो-पूरो छुटकारो दिलासी जिऊँ बिकी मेमा की जे-जैकार होवै।

इफिसुस 1:14 Referans Kwoze

2 कुरन्थीयो 5:5

इ ताँई आपानै त्यार करबाळो परमेसरई ह, बोई आपानै जामनी ताँई पबितर आत्मा बी दिनी ह।

2 कुरन्थीयो 1:22

बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

रोमीयो 8:23

आ सरस्टिई नइ पण आपा बी जानै पबितर आत्मा को पेलो फळ मिल्यो हो, मांय-मांय घुटता रिह्या हां। क्युं क आपा इ बातनै उडिकर्या हां क बो आपानै आपकी ओलाद की जंय्यां अपणावै अर काया को छुटकारो होज्यावै।

इफिसुस 1:12

जणाई म्हें मसी प आस लगाबाळा पेला हां, परमेसर की मेमा ताँई जे-जैकार करां हां।

भेजेड़ा चेला का काम 20:32

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

लूका 21:28

थे जद अ सगळी बाता होबा लागै जणा बि टेम थे थारा सीरनै उपर उठाज्यो, क्युं क थारो छुटकारो सांकड़ैई होसी।”

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

इफिसुस 1:11

परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।