इफिसुस 1:10 - जीवन को च्यानणो (सेकावाटी नया नियम की पोथ्या)

¹⁰ क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

इफिसुस 1:10 Referans Kwoze

कलुसीयो 1:20

अर बिऊँई परमेसर सगळा ब्रह्माण्डऊँ मेळमिलाप करबो चायो, बा सगळाऊँ बी जखा ईस्बर नगरी अर धरती का ह। बिकाळा लोयऊँई परमेसर मेळमिलाप करवायो जिनै मसी सुळी उपर बहायो हो।

गलातियो 4:4

पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

मरकुस 1:15

बो खयो, “परमेसर को राज सांकड़ै आबा को ठिक टेम आगो ह। जिमै परमेसर राज करसी। इ ताँई थे पापऊँ तौबा करो अर परमेसर का चोखा समचार प बिस्वास करो।”

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।

कलुसीयो 1:16

बिऊँई परमेसर सगळी चिजा बणायो चाए बे ईस्बर नगरी अर धरती की, दिखबाळी हो अर नइ दिखबाळी उपरी सक्‍तियानै मिलार, चाए राजा हो चाए म्हराजा, चाए राजकरबाळो हो चाए कोई अधिकारी सक्यु बिऊँई रचायो गयो ह अर बि ताँई रचायो गयो ह।

1 पतरस 1:20

बिनै इ सरस्टि की रचना होबा क पेल्याई टाळ लिओ गयो हो, पण थारा भला ताँई आ आखरी दिना म बिनै परगट कर्यो गयो।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

इफिसुस 1:22

परमेसर सक्यु बिका पगा तळै कर दिओ; अर बिस्वास्या की बिस्वासी मंडळी ताँई मंडळी की सगळी चिजा प बिनै सीर बणा दिओ।

1 कुरन्थीयो 11:3

अर म थानै बताबो चाऊँ हूँ क लूगाई को सीर बिको मोट्यार ह, अर मोट्यार को सीर ईसु मसी ह, अर ईसु मसी को सीर परमेसर ह।

इबरानीआ 11:40

क्युं क परमेसर क कनै बिकी इंछ्या गेल आपणा ताँई इऊँ बी चोखी बाता ह जिऊँ बानै बी आपणा सागैई सिद कर्यो जावै।

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

इफिसुस 2:15

अर नेम-कायदा का हुकमा अर नेम-कायदानै भुजाण दिओ अर यहूदि अर गैर-यहूदिआनै आपसरी म मिलार परमेसर का मिनख बणा दिओ।

1 कुरन्थीयो 10:11

अर अ बाता बामै इ हिसाबऊँ होई जिऊँ बे दुसरा मिनखा ताँई सीख होई, अर आपानै चिताबा ताँई पबितर सास्तर म मांडी गई। क्युं क आपा अंय्यां का जुग म जिर्या हां जिमै अंत सांकड़ोई ह।

मत्ती 25:32

जणा बिकै सामै धरती का सगळा मिनख आसी। अर बो बानै अंय्यां एक दुसराऊँ न्यारा करसी जंय्यां गुवाळ्यो बकर्याऊँ लल्ड्यानै न्यारो करै ह।

इबरानीआ 9:10

क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

इफिसुस 3:2

परमेसर की दयाऊँ थारै भला ताँई जखा काम परमेसर मनै करबा ताँई दिओ ह बाकै बारां म थे पक्काई सुण्या हो।