कलुसीयो 4:10 - जीवन को च्यानणो (सेकावाटी नया नियम की पोथ्या)

¹⁰ मेरै सागै केद खाना म बंद अरिस्तखुस कानिऊँ थानै “जे मसी की” पुगै अर बरनाबास को भाई मरकुस बी थानै “जे मसी की बोल्यो ह” (मरकुस क बारां म थानै पेल्याऊँई आदेस मिलगो हो क जद मरकुस थारै कनै आवै जणा बिकी चोखी आवभगत करज्यो)

कलुसीयो 4:10 Referans Kwoze

2 तिमूतियूस 4:11

मेरै सागै खाली लूकाई रिह्यो ह। चोखा समचारनै सुणाबा का काम म मरकुस मेरो बोळो मददगार हो सकै ह, इ ताँई बिनै टोर तेरै सागै लेतो आजे।

भेजेड़ा चेला का काम 19:29

अर अंय्यां पूरी नगरी म हो-हल्लो मचगो अर बे लोग मकीदुनिया का रेह्बाळा गयुस अर अरिस्तखुसनै जखा सफर म पोलुस क सागै हा बानै पकड़ लिआ अर सगळा बानै नगरी का मैदान कानि भगाताई लेग्या।

भेजेड़ा चेला का काम 27:2

म्हें अदरमुतियुमऊँ आबाळा एक पाणी हाळा झाज प चढर चाल पड़्या, जखो एसिया का समदरी भागाऊँ होतो होयो जाबाळो हो। अर एक थिसलूनिकी को रेह्बाळो एक मकीदुनी, जिको नाम अरिस्तखुस हो बो म्हारै सागै हो।

भेजेड़ा चेला का काम 20:4

जणा बिरीया को पाईरस को छोरो सूपतरुस अर थिसलूनिकी अरिस्तखुस अर सिकन्दुस, दिरबे को गयुस, एसिया को तुखीकुस अर तरीफिमुस एसिया ताँई बिकै सागै होलिआ बाकै सागै तिमूतियूस बी हो।

भेजेड़ा चेला का काम 12:12

आ जा'णर बो यहून्ना जिनै मरकुस बोलै ह बिकी माँ मरीयम क घरा आयो, बठै पेल्याऊँई बोळासारा मिनख भेळा होर अरदास करबा लागर्या हा।

1 पतरस 5:13

अर थारी जंय्यां टाळेड़ा बेबिलोन का मिनखा को थानै नमस्कार। बे परमेसर का टाळेड़ा मिनख हीं। मरकुस जखो मेरा छोरा की जंय्यां ह बो बी थानै नमस्कार खेवै ह।

रोमीयो 16:7

मेरा देसवासी अंडरोनीकुस अर यूनिया जखा मेरै सागै जेळ म हा, भेजेड़ा चेला म नामी ह अर जखा मेरूँ पेल्याई मसी म आगा हा, बानै मेरो नमस्कार।

रोमीयो 16:2

क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।

भेजेड़ा चेला का काम 13:13

पोलुस अर बिकाळा साती पाफुसऊँ झाज म बेठर पंफुलिया की पिराग नगरी म आया; पण यहून्ना जिनै मरकुस बोलता हा बानै छोडर यरूसलेम चलेगो।

भेजेड़ा चेला का काम 4:36

जणा बामै युसूफ नाम को लेवी हो जखो साईपरस को रेह्बाळो हो। जिनै भेजेड़ा चेला बरनाबास खेता हा, जिको मतबल हिमत देबाळो होवै ह।

भेजेड़ा चेला का काम 13:5

अर बे बि टापू की सलमीस नगरी म पुगर बठै यहूदिआ की अरदास करबाळी झघा म परमेसर का बचन सुणाया, अर यहून्ना जिनै मरकुस बी बोलीं हीं, एक मददगार की जंय्यां बाकै सागै हो।

भेजेड़ा चेला का काम 12:25

बरनाबास अर साऊल यरूसलेम म आपको काम खतम कर यहून्नानै जिनै मरकुस खेता हा आपकै सागै अंताकीया लेर आया।

फिलेमोन 1:23

मसी ईसु क पिछै चालबा की बजेऊँ मेरै सागै जेळ म बंद इफरास मेरा साती-संगी मरकुस, अरिस्तखुस, देमास अर लूका थानै नमस्कार बोली ह।