कलुसीयो 4:1 - जीवन को च्यानणो (सेकावाटी नया नियम की पोथ्या)

¹ मालको, याद राखो थारै उपर बी ईस्बर नगरी म एक मालिक ह, इ ताँई थारा गुलामाऊँ थारो बरताव सळीयो अर बाजीब होणो चाए।

कलुसीयो 4:1 Referans Kwoze

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

याकूब 2:13

क्युं क जखो दया कोनी करै बिको न्याय बी बिना दया होसी। पण दया न्यायनै जीतै ह।

याकूब 5:4

सुणो, जखी ध्यानगी थे थारा खेता म निन्याण करबाळा मजुरियानै कोनी दिनी , बा थारै खिलाप जोरऊँ बोलरी ह अर लावणी करबाळा मजुरिया की चिख सऊँ सक्‍तिसाली परबु क काना ताँई पुगगी ह।

दरसाव 19:16

बिकी जांघ अर बिका गाबा प अंय्यां मंडर्यो हो, ओ राजाओं को राजा अर परबुआ का परबु।

लूका 19:15

“पण बो राजा बणर पाछो आपकै घरा आग्यो। अर आताई बो बा दासानै बुलायो जानै बो सोना की म्होर देर गयो हो क्युं क बो आ जाणबो चावै हो क बे बा म्होराऊँ क्यु कमाया हीं क कोनी।

मत्ती 20:4

अर बानै ओडायो, ‘थे माखाळा अँगूरा का बाग म जार काम प लागज्याओ म थानै बाजीब मजुरी देस्युँ।’