Biblia Todo Logo
Bib sou entènèt

- Piblisite -




कलुसीयो 3:8 - जीवन को च्यानणो (सेकावाटी नया नियम की पोथ्या)

8 पण इब थे आ सगळी चिजा क सागै, लाल-तातो होबो, दांत पिसबो, बैर बांदबो, दुसरा की बुराई करबो अर मुंडाऊँ गाळ्यां बकबानै छोड द्‍यो।

Gade chapit la Kopi




कलुसीयो 3:8
35 Referans Kwoze  

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।


अर थारा मुंडाऊँ कोई बेसरमी की, बेतुकी, बेहूदा मजाक अर जखी बाता चोखी कोनी बे नइ निकळनी चाए पण इकी बजाय थारा मुंडाऊँ परमेसर ताँई धनेवाद निकळणो चाए।


इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।


थे झाळ तो काडो, पण पाप मना करो; सूरज ढळबाऊँ पेली थारी झाळ खतम होणी चाए।


इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।


आपसरी म झूठ मना बोलो क्युं क थे थारा पुराणा सुभावनै जिमै बुरी बाण ही बिनै छोड दिओ।


इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।


म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।


क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?


पण म थारूँ खेऊँ हूँ क ज कोई मिनख कोई पाड़ोसी भाईड़ा प झाळ काडै बिको न्याय होसी। अर ज कोई मिनख कोईकी बेजती करै बिको न्याय पंचायत करसी; अर ज कोई मिनख कोईनै बावळो खेवै बिनै परमेसर नरक की आग म गेरसी।


पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।


जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।


अंय्यांई बे मिनख हीं जखा थारी मंडळ्या म घुसगा हीं। बे बाकी जंय्यांई कुकरम कर आपकी कायानै सूगली करीं हीं, अर खेवीं हीं, “अंय्यां करबा ताँई परमेसर म्हानै दरसाव देर खयो ह।” अंय्यां कर बे आपणा परबु का अधिकारनै कोनी मानी अर ईस्बर नगरी दुता की बुराई करीं।


क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।


के बे मसी का बि चोखा नाम की बुराई कोनी करै जखो थानै दिओ गयो ह?


हमनियस अर सिकन्दर बामैऊँई हीं, जानै म सेतान क हाता म सूप दिओ, जिऊँ बानै परमेसर की बुराई नइ करबा को पाठ सीखायो जा सकै।


पेल्या म मेरा मुंडाऊँ परमेसर की बुराई करबाळो, परमेसर का मिनखानै दिन घालबाळो अर एक अँधेर करबाळो मिनख हो। इकै पाछै बी मेर प दया होई। क्युं क म एक परमेसर म बिस्वास नइ करबाळा की जंय्यां अणभोळ म अ सगळा काम कर्यो हो।


आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।


मूरती पूजा, जादू-टोणो, बैर भाव, राड़-झगड़ा, बळोकड़ोपूणो, झाळ्या भरबो, फूट गेरबो, भेद-भाव करबो, होड करबो,


व्यबिचार, लोभ, कमिणोपुणो, दोगलोपुणो, ठगणो, बेहूदोपुणो, बळोकड़ोपूणो, कोईकी बुराई करबो, गुमान अर गोबुपुणो (मोथोपुणो) बारनै निकळ ह।


जिऊँ बे मिनख भेंकर गरमीऊँ तपगा अर परमेसर का नाम की बुराई करबा लाग्या जिकै बस म आ म्हामारी ही , पण बे तौबा कोनी कर्या अर नइ परमेसर की मेमा करी।


अ मिनख आपका करमाऊँ गंदगी फेलावीं हीं जंय्यां तौफान म समदर की झाल झाग फेकै ह। थानै आ मिनखा का दिखाया गेला प नइ चालबो चाए क्युं क अ बा तारा की जंय्यां हीं जखा नित नई-नई दिसा म जावीं हीं। आ ताँई नरक म अँधेरीयो खाडो सदाई त्यार ह जिमै आनै पटक्यो जासी।


पण लुत धरमी मिनख हो इ ताँई परमेसर बिनै बचा लिओ। बो पापी मिनखा क पाप करबा की बजेऊँ दुखी होतो हो।


इ ताँई झूठ बोलबो छोडर हरेक आपका संगी-साती बिस्वासीऊँ सच बोलै, क्युं क मसी म आपा सगळा एकई काया का अंग हां।


Swiv nou:

Piblisite


Piblisite