कलुसीयो 3:5 - जीवन को च्यानणो (सेकावाटी नया नियम की पोथ्या)

⁵ इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

कलुसीयो 3:5 Referans Kwoze

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

रोमीयो 6:13

थारी काया का अंगानै अधरम का सादन होबा ताँई पाप क हाता म मना द्‍यो, पण मरेड़ा मऊँ जी उठबाळा की जंय्यां परमेसर क हाता म द्‍यो। अर थारी काया का अंगानै धरम का सादन होबा ताँई परमेसरनै सूप द्‍यो।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

1 कुरन्थीयो 6:18

कुकरम मना करो। क्युं क इकै अलावा जत्ता बी पाप मिनख करै ह बो आपकी काया क बारनैऊँ करै। पण जखो मिनख कुकरम करै ह बो आपकी काया क सागै ही पाप करै ह।

इफिसुस 4:19

बाकी सगळी सरम-हया मरी पड़ी ह; बे खुदनै बुरी बाण म गेर राख्या हीं, अर सगळा लुचापुणा का काम बिना रोक-टोक करबा लागर्या हीं।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

रोमीयो 7:23

पण म मेरी काया म ओरई नेम-कायदानै काम करता देखूँ हूँ जखो मेरी सोच प राज करबाळा नेम-कायदाऊँ लड़ै ह। अर मनै पाप का नेम-कायदा को केदि बणा लेवै ह, अ नेम-कायदा मेरी काया म काम करै ह।

मत्ती 15:19

क्युं क हियाऊँ बुरा बिचार, हत्या, रंडीबाजी, कुकरम, चोरी, झूठी गुवाई अर बुराई निकळै ह।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

याकूब 4:1

थारै मांयनै राड़ अर कळै कठैऊँ आगी? अंय्यां होबा की बजे थारी बुरी इंछ्या ह जखी थारै मांयनै राड़ अर कळै करावै ह।

1 कुरन्थीयो 6:13

खेबत म आवै ह क, “रोटी पेट ताँई अर पेट रोटी ताँई होवै ह” पण परमेसर आ दोन्यानैई नास कर देसी। अर आपणी काया कुकरम करबा ताँई कोनी पण परबु की सेवा करबा ताँई ह। अर काया ताँई परबु बंदोबस्त करै ह।

रोमीयो 6:6

क्युं क आपा आ जाणा हां क इ नसबर काया को आपणो पुराणीयो जीवन ईसु क सागै सुळी प चढा दिओ गयो हो, जिऊँ पापऊँ भरी आपणी काया नास होज्यावै। अर आपा आगैऊँ पाप का गुलाम नइ होवां।

इबरानीआ 13:4

ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्‍वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।

इबरानीआ 12:16

ध्यान द्‍यो क कोई कुकरमी नइ होवै अर नइ कोई एसाव की जंय्यां बिना परमेसर क होवै, जखो एक टेमकी रोटी खाबा ताँई आपका पेलीपोतको होबा का हकनै बेच दिओ।

1 थिसलूनिकी 4:3

परमेसर आई चावै ह क थे पबितर बणो अर कुकरमऊँ बच्या रेह्ओ।

1 कुरन्थीयो 5:1

मेरै सुणबा म आयो ह क थारै मांय कुकरम फेलर्यो ह अर अंय्यां का कुकरम तो परमेसरनै नइ ध्यारबाळा मिनख बी कोनी करै। अर कई तो आपकी सोतेली माँ क सागैई काळो मुंडो करै ह।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।

रोमीयो 1:26

इ बजेऊँ परमेसर बानै सरमनाक इंछ्या क बस म छोड दिओ। बाकी लूगाया बी आपका मोट्यार क सागै कुदरती भेवारनै छोडर अंय्यां-अंय्यां का भेवार राखबा लागगी जखा कुदरत क खिलाप ह।

1 थिसलूनिकी 4:5

बस थारी काया की भूख मिटाबा ताँई थे ब्या मना करो जंय्यां परमेसरनै नइ ध्यारबाळा मिनख करीं हीं।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

कलुसीयो 2:11

थारा खुदका पापी सुभाव का छुटकारा ताँई थारी सची सुन्नत मिनखा क हाताऊँ नइ पण मसीऊँ करेड़ी ह।

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

इबरानीआ 13:5

थारो सुभाव धन को लालची नइ होवै, अर जोक्युबी थारै कनै ह, बिमई सबर राखो, क्युं क परमेसर बोल्यो ह, “म तनै कदैई कोनी छोडूँ, अर कदैई कोनी तजूं।”