कलुसीयो 3:16 - जीवन को च्यानणो (सेकावाटी नया नियम की पोथ्या)

¹⁶ सगळी बुदी क सागै एक दुसरानै सीखाओ अर चेताओ। अर थारा हियाऊँ परमेसर ताँई सगळा भजन अर आत्मिक गुणगान गाता रह्यो अर धनेवाद देतार्यो। अंय्यां कर मसी का बचनानै थारा हिया म पूरो-पूरो बसबा द्‍यो।

कलुसीयो 3:16 Referans Kwoze

इफिसुस 5:19

भजन-किरतन अर आत्मिक गीत का सब्दाऊँ एक दुसराऊँ बतळाता रिह्यो। अर थारा सगळा हियाऊँ परबु का भजन-किरतन करता रिह्या करो।

यहून्ना 15:7

ज थे मेर म अर मेरा बचन थारै म बण्या रेह्सी, जणा थे जोक्यु बी थारी इंछ्या गेल माँगस्यो बो थानै मिलसी।

रोमीयो 10:17

सुणबाऊँ बिस्वास उपजै ह अर सुणबो खाली मसी का बचनऊँई होवै।

1 यहून्ना 2:24

जखी बाता थे जुगादऊँ सुण्या हा बानै मानता रेहस्यो जणाई बेटो अर परम-पिता बी थारै म बास करसी,

इफिसुस 1:17

अर आपणा परबु ईसु मसी का परमेसर जखो मेमाभर्यो परम-पिता ह, बिऊँ माँगु हूँ क बो थानै बुदी देबाळी अर परगट करबाळी आत्मा दे, जिऊँ थे बिनै चोखा ढंगऊँ जाण सको।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

2 यहून्ना 1:2

ओ बि सच की बजेऊँ होयो ह जखो आपणा म बास करै ह अर जखो सदाई आपणै सागै रेह्सी।

2 तिमूतियूस 3:15

अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

1 यहून्ना 2:27

अर जठै ताँई थारी बात ह थारो अभिसेक बिऊँ होयो ह, थार म बण्यो रेह्‍वै ह। इ ताँई थानै तो आ जुर्तई कोनी क कोई थानै सीखावै। पण थानै जखी आत्मा दिनी गई ह बा सक्यु सीखावै ह। बा आत्मा सची ह, बा झूठी कोनी जंय्यां बा थानै सीखावै बंय्यांई करो अर मसी म बण्या रेह्ओ।

कलुसीयो 4:6

थारो बोल मिठो अर मननै चोखो लागबाळो होणो चाए जिऊँ थे जाणल्यो की कूणसा आदमीनै कंय्यां को जुबाब देणो चाए।

इफिसुस 5:17

इ ताँई मूरख मना बणो, पण परमेसर थारूँ काँई चावै ह बिनै ध्यानऊँ समजो।

याकूब 5:13

अर ज थार मऊँ कोई दुख मुसीबत म होवै जणा बिनै अरदास करबो चाए अर ज कोई राजी रेह्‍वै जणा बिनै परमेसर की जे-जैकार अर भजन गाणा चाए।

तितूस 3:6

परमेसर आपानै छुटाबाळा ईसु मसी क जरिए आपणा प भरपुरीऊँ पबितर आत्मानै उंदकायो ह।

1 कुरन्थीयो 14:26

मेरा लाडला बिस्वास्यो, परमेसर को नाम लेबा ताँई जद बी एक सागै भेळा होवो जणा एक मिनख तो परमेसर को गुणगान गावै दुसरो सीख देवै, एक परमेसरऊँ आएड़ा दरसाव बतावै जदकी दुसरो न्यारी-न्यारी बोली म बोलै अर एक इको मतबल बतावै। अ सगळी बाता बिस्वासी मंडळीनै पक्को करबा ताँई होणी चाए।

याकूब 1:5

पण ज थार मऊँ कोईनै बी बुदी की कमी होवै जणा बो परमेसरऊँ माँगै, जखो बिना धमकाया खुला हियाऊँ देवै ह, अर थानै आ बुदी दि ज्यासी।

कलुसीयो 1:28

म्हें मसी को परचार कर हरेक मिनखानै चितावां अर सगळा ज्ञानऊँ बानै सीखावां, जिऊँ हरेक मिनखनै मसी म सिद कर परमेसर क सामनै हाजिर कर सकां।

दरसाव 15:3

बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।

1 यहून्ना 2:14

ओ मेरा टाबरो म थानै मांडूँ हूँ, क्युं क थे पिता परमेसरनै जाण लिआ हो। ओ बूडा ठेरो म थानै मांडू हूँ, क्युं क थे बिनै जाणो हो जखो जुगादऊँ ह। ओ मोट्यारो म थानै मांडू हूँ, क्युं क थे ताकतबर हो, अर परमेसर को बचन थारै म बास करै ह, अर थे बुराईनै हराया हो।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

2 थिसलूनिकी 3:15

पण बिनै बेरी मना जाणज्यो, पण सागे भाई-भाण जा'णर चेताओ।

1 थिसलूनिकी 4:18

इ ताँई थे एक दुसरानै आ बाताऊँ हिमत देता रेह्ओ।

1 कुरन्थीयो 14:15

जणा काँई करबो चाए? म आत्माऊँ तो अरदास करस्युंई पण बिकै सागै बुदीऊँ बी अरदास करस्युं। आत्माऊँ तो भजन गास्युं बिकै सागै बुदीऊँ बी गास्युं।

मत्ती 26:30

इकै पाछै बे एक गीत गार जेतून का डूँगर प चलेग्या।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

लूका 2:51

अर इकै पाछै बो बाकै सागै पाछो नासरत आगो अर बाकै कह्या म चालतो हो। बिकी माँ आ सगळी बातानै आपका हिया म धर राखी ही।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

दरसाव 14:3

अर एक लाख चोमाळिस हझार मिनख सिंघासन क सामै, च्यारू जीवता पराण्या क सामै अर बडका क सामै नयो गीत गार्या हा। अर इ गीतनै आ एक लाख चोमाळिस हझार मिनख जानै धरती की केदऊँ छुडायो गयो हो बाकै अलावा कोईबी कोनी गा सकतो हो।

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,

1 थिसलूनिकी 1:8

क्युं क थारी बजेऊँ परबु को बचन थारूँ लेर मकीदुनिया अर अखाया मई कोनी फेल्यो, पण जठै बी म्हें जावां बठै परमेसर म थारा बिस्वास की चरचा सुणा हां। जि बजेऊँ म्हानै क्युं खेबा की जुर्तई कोनी पड़ै।