कलुसीयो 3:12 - जीवन को च्यानणो (सेकावाटी नया नियम की पोथ्या)

¹² थे परमेसर का लाडला, पबितर अर टाळेड़ा मिनख हो। इ ताँई तरस, दया, नरमाई अर थ्यावस का गाबा पेरल्यो अर मन म बडा मना होवो।

कलुसीयो 3:12 Referans Kwoze

इफिसुस 4:32

एक दुसरा प दया कर्या करो अर जंय्यां परमेसर ईसु मसी म थारा बुरा कामा ताँई थानै माफ कर्यो ह बंय्यांई थे बी एक दुसरानै माफ करो।

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

1 यहून्ना 4:19

म्हें इ ताँई परेम करां हां क्युं क परमेसर पेल्या आपणाऊँ परेम कर्यो ह।

कलुसीयो 3:10

अर नएड़ा सुभावनै ध्यार लिओ ह। अर थे परमेसर का गुण अर बिका सगळा ज्ञान म दिन-दिन बढता जाओ।

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

1 थिसलूनिकी 5:15

कोईबी बुराई क बदलै बुराई नइ करै, पण सगळा मिनखा को अर एक दुसरा को भलो करबा की कोसिस करता रेह्ओ।

2 कुरन्थीयो 6:6

म्हारी खराई, ज्ञान, थ्यावस, दया, सचो परेम, सच का समचार, पबितर आत्मा,

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

1 पतरस 1:2

परम-पिता परमेसर पेल्याऊँ काँई ध्यार राखी ही बिकै गेलई थानै टाळ्यो ह। अर पबितर आत्मा थानै पबितर बणाई, जिऊँ थे ईसु मसी क खया प चालो अर बिका लोयऊँ सुद होवो। परमेसर की दया अर स्यांती थार प बणी रेह्‍वै।

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

मत्ती 24:31

नरसिंगो फुक्यो जासी अर बो आपका ईस्बर नगरी दुतानै धरती प च्यारूमेर भेजसी। अर बे सगळी धरती पऊँ टाळेड़ा मिनखानै भेळा करसी।

लूका 18:7

जणा पाछै परमेसर आपका टाळेड़ा मिनखानै न्याय कोनी देसी के जखा रात-दिन परमेसर की रो-रो दुहाई दि हीं? बानै न्याय देबा म के बो देर करसी?

लूका 1:78

अर आपणा परमेसर की बडी दयाऊँ आपणा प छुटकारो देबाळो एक उगता सूरज का च्यानणा की जंय्यां ईस्बर नगरीऊँ चिलकसी।

मरकुस 13:27

“अर बो आपका ईस्बर नगरी दुतानै भेजसी क बे धरती अर अकास प जार च्यारूमेरूँ बिका टाळेड़ा मिनखानै भेळा करीं।”

इफिसुस 4:24

अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

फलिपी 1:8

म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।

रोमीयो 9:11

अर जोड़ला टाबरा क जलमऊँ पेल्या अर बाकै क्युं बी भलो-बुरो करबाऊँ पेल्या परमेसर रिबकाऊँ बोल्यो, “बडोड़ो छोटक्या की सेवा करसी।” परमेसर अंय्यां इ ताँई बोल्यो जिऊँ परमेसर क टाळबा को मकसद पूरो होवै जखो बा दोन्या क करमा गेल कोनी हो, पण इ बात प हो क परमेसर किनै बुलाबा की ध्यारमाली हीं।

मरकुस 13:22

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

मरकुस 13:20

ज परमेसर बा दिनानै कम नइ करतो जणा कोईबी कोनी बचतो। पण बिका टाळेड़ा मिनखा की बजेऊँ परमेसर बा दिनानै कम कर दिओ ह।

मत्ती 24:22

ज परमेसर बा दिनानै कम नइ करतो जणा कोईबी कोनी बचतो। पण बिका टाळेड़ा मिनखा की बजेऊँ परमेसर बा दिनानै कम कर दिओ ह।

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

2 यहून्ना 1:13

तेरी बिस्वासी भाण का टाबर-टिकर, थानै राजी-खुसी का समचार बोल्या हीं जानै परमेसर टाळ्यो।

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

1 कुरन्थीयो 13:4

क्युं क जिमै परेम होवै ह बो थ्यावस राखै ह, अर दया करै ह; अर ओ बळोकड़ो पुणो कोनी राखै; अर खुदकी बडाई कोनी मारै, अर गुमानऊँ फुलै कोनी,