कलुसीयो 3:1 - जीवन को च्यानणो (सेकावाटी नया नियम की पोथ्या)

¹ मसी मरेड़ा मऊँ ओज्यु जीवायो गयो इ बजेऊँ थे आत्मा म जीवाया गया हो। इ ताँई थे ईस्बर नगरी हाळी चिजानै टोल्यो। जठै मसी परमेसर का दायणै हात कानि बिका सिंघासन प बिराजर्यो ह।

कलुसीयो 3:1 Referans Kwoze

रोमीयो 8:6

काया की बाता प मन लगाबो तो मरबो ह, पण पबितर आत्मा प मन लगाबो जीवन अर स्यांती ह।

मत्ती 6:33

सऊँ पेल्या परमेसर का राजनै ढुंढो अर सई गेला प चालो, जिऊँ थानै अ सगळी चिजा मिल ज्यासी।

2 कुरन्थीयो 4:18

अर जोक्यु सुजै ह बिनै म्हारी आँख्या कोनी देखै, पण जखी चिजा सुजै कोनी बानै देखै ह। क्युं क जखी चिजा सुजै ह, बाको नास होसी पण जखी कोनी सुजै बे जुग-जुग बणी रेह्सी।

कलुसीयो 3:2

थे तो आत्मा म मरेड़ा हा पण इब थारो जीवन मसी क सागै परमेसर म लुखेड़ो ह। अर जद बो परगट होसी जणा थानै बी बिकै सागै बिकी मेमा म परगट कर्यो ज्यासी। थारा जीवना की निम मसी ह। इ ताँई थे धरती हाळी चिजा प नइ पण ईस्बर नगरी हाळी चिजा प हियो लागाओ।

मत्ती 6:20

इकै बदलै अंय्यां का काम करो जखा परमेसरनै भावै अंय्यां करबो ईस्बर नगरी म धन भेळो करबा की जंय्यां ह जठै बिकै नइ तो दिवळ लागै नइ जर अर नइ बिनै चोर चुरावै।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

लूका 12:33

अर थारी सगळी चिजानै बेचर जखो धन मिलै बिनै गरीबा म बाट द्‍यो। अर खुद ताँई अंय्यां का बटूआ सिमो जखा कदैई पुराणा कोनी होवै। मतबल ओ ह की कदैई नइ निमड़बाळो धन ईस्बर नगरी म भेळो करो। जठै बिकै चोर कोनी लागै अर नइ किड़ा मकोड़ा।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

लूका 22:69

पण इबऊँई मिनख को बेटो परम-परधान परमेसर क दाया हात कानि बेठसी।”

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?

इबरानीआ 8:1

जोक्यु बी म्हें खेर्या हां बा सगळी बाता मऊँ बडी बात तो आ ह क आपणै कनै अंय्यां को म्हायाजक ह जखो ईस्बर नगरी म सऊँ सक्‍तिसाली क दायणै हात सिंघासन प बिराजमान ह।

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

इबरानीआ 10:12

पण ईसु मसी तो एक याजक क रूप म एकरई पाप क बदलै सदा ताँई को चढाओ चढार परमेसर क दायणै हात जार बेठगो।

मत्ती 26:64

ईसु बोल्यो, “हाँ जंय्यां थे बोलो हो म बोई हूँ। अर थे मिनख का बेटानै सऊँ सक्‍तिसाली परमेसर क दाया हात बेठर राज करता देखस्यो। अर थे मनै ईस्बर नगरीऊँ बादळा मऊँ आतो बी देखस्यो।”

इफिसुस 4:10

अर जखो उतर्यो बो ओई ह क सगळा आसमानऊँ बी उपर चढगो जिऊँ सक्यानै आपकी मोजूदगीऊँ भर्योपूरो करदे।

मरकुस 14:62

ईसु बोल्यो, “हाँ म बोई हूँ अर थे मिनख का बेटानै सऊँ सक्‍तिसाली परमेसर क दाया हात बेठ्यो अर अकास म बादळा क सागै आतो देखस्यो।”

इबरानीआ 1:13

परमेसर कदैई कोई ईस्बर नगरी दुतऊँ अंय्यां कोनी बोल्यो क, “तू मेरै दाया हात बेठ, जद ताँई म तेरा बेरीयानै तेरै पगा तळै की चोकी नइ कर द्‍युँ।”

भेजेड़ा चेला का काम 2:34

क्युं क दाऊद ईस्बर नगरी कोनी गयो, पण बो खुद बोलै ह, ‘परबु मेरा परबुऊँ बोल्यो; जद ताँई म तेरा दुस्मननै तेरै पगा तळै को पाटो कोनी करद्‍युं मेरै दाया हात कानि बेठ।’

लूका 20:42

क्युं क भजना हाळी पोथी म खुद दाऊद अंय्यां बोलै ह: ‘परबु मेरा परबुऊँ बोल्यो, मेरा दाया हात बेठ,

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

मरकुस 12:36

पण दाऊद खुद पबितर आत्माऊँ भर'र बोल्यो हो: ‘परबु (परमेसर) मेरा परबुऊँ खियो जद ताँई म तेरा दुस्मनानै तेरै पगा तळै नइ कर द्‍युँ मेरै दाया हात बेठ्यो रेह।’

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

भेजेड़ा चेला का काम 7:55

पण बो तो पबितर आत्माऊँ भर'र ईस्बर नगरी कानि देख्यो, जणा बो परमेसर की मेमा का तेज अर परमेसर क दाया हात कानि ईसुनै खड़्यो देखर

मत्ती 22:44

“परबु मेरा परबुऊँ खेवै ह तू मेरै दायणै हात बेठ्यो रेह जद ताँई म तेरा दुस्मनानै तेरै पगा तळै नइ कर द्‍युँ।

इफिसुस 5:22

ओ लूगायो, थे थारा मोट्यारा क बस म रह्यो जंय्यां परबु क रेह्ओ हो।