कलुसीयो 2:8 - जीवन को च्यानणो (सेकावाटी नया नियम की पोथ्या)

^8-9 सचमई मसी ईसु जखो मिनख बणर आयो बिमै परमेसर को सगळो सुभाव भरपूरी क सागै बास करै ह। इ ताँई थे बेमतबल की जिरै-बाजीऊँ समळर रेह्ओ कदै कोई थानै आको गुलाम नइ बणाले क्युं क अ मसी कानिऊँ नइ पण मिनखा का रिती-रिवाजा अर जगत प राज करबाळी आत्मा कानिऊँ आवै ह।

कलुसीयो 2:8 Referans Kwoze

1 तिमूतियूस 6:20

ओ तिमूतियूस, जखो तनै सोप्यो गयो ह बिनै समाळर राख। दुनियादारी की बात अर बकवास जिरैऊँ खुदनै परै राख जिनै क्युंक मिनख गळतीऊँ “ज्ञान” बोलै ह।

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

गलातियो 4:9

पण इब थे परमेसरनै पिछाण लिआ हो अर परमेसर थानै पिछाणै ह। जणा इब थे जगत की बाता कानि जामै दमहाळी बात कोनी अर जखी बेफालतू की ह, ओज्यु बाका गुलाम क्यु होबा जार्या हो?

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?

2 तिमूतियूस 3:13

अर पापी अर धोकेबाज मिनख धोको देता अर धोको खाता बिगड़ताई जावीं।

2 पतरस 3:17

ओ लाडलो, थे पेल्याऊँई आ बातानै जाणर चेता म रेह्ओ, जिऊँ थे बुराई करबाळा की बाता म आर थारी मजबूतिनै नइ खो द्‍यो।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

2 यहून्ना 1:8

इ ताँई थे खुद समळर रेहज्यो जिऊँ थे बिनै जिकै ताँई म्हें बोळी मेनत कर्या हा गुमा नइ द्‍यो पण पूरो-पूरो इनाम पाओ।

गलातियो 4:3

अर अंय्यां आपणै सागै बि हो। आपा जद टाबरा हा, जणा आपा जगत की आत्मिक सक्‍तिया का गुलाम हा।

2 कुरन्थीयो 10:5

जणाई म्हें गुमान भरी बाता अर मतानै जखा परमेसर का ज्ञान क खिलाप ह नकारा हां, मसी की मानबा ताँई म्हें म्हारी सोचनै बस म राखां हां।

कलुसीयो 2:18

जखो मिनख देख-दिखावा की नरमाई बरतै अर ईस्बर नगरी दुतानै पूजबा को काम करै ह बिनै थारा इनाम पाबा म रोड़ो मना बणबा द्‍यो। अंय्यांलको मिनख सदाई बा दिव्य दरसावा की फांप मारतो रेह जखा बो देख्या हा अर बो आपका अर मिनखा का बिचार म झूठोई गुमान म फुल्यो रेह्‍वै ह,

1 पतरस 1:18

क्युं क थे जाणो हो क, थारो बेकार चाल-चलन जखो थारै बडकाऊँ चालतो आर्यो ह, बिऊँ थारो छुटकारो, सोना-चाँदी जंय्यांकी नास होबाळी चिजाऊँ कोनी होयो।

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

इफिसुस 4:20

पण मसी क बारां म थानै अंय्यांलकी सीख मिली ह के?

गलातियो 1:14

अर म यहूदि मत को पालन करबा म दुसरा यहूदि मिनखाऊँ कट्टर हो, अर आपणा बडकाऊँ आपानै जखा रिती-रिवाज मिल्या हा बानै म निभातो हो।

फलिपी 3:2

बा कमिणा, गंडक्ड़ाऊँ ध्यानऊँ रेह्ओ जखा चोखा समचारऊँ छेड़-छाड़ करीं हीं। बुरा काम करबाळा अर काया की सुन्नत करबा प जोर देवीं हीं बाऊँ ध्यानऊँ रेह्ओ।

मत्ती 16:6

जणा ईसु बानै चेतार ओडायो, “थे फरिसी अर सदुकीया का खमिरऊँ बचर रेहज्यो।”

मत्ती 10:17

अर थे मिनखाऊँ हुस्यार रेहज्यो क्युं क बे थानै पकड़र पंचा क हाता सूप देसी अर बे थानै अरदास करबाळी झघा लेज्यार बेत पड़वासी।

कलुसीयो 2:22

अ सगळी चिजा खतम होबाळी चिजा हीं, अर अ मिनखा का आदेस अर सीख ह।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

भेजेड़ा चेला का काम 17:18

बठै बो क्युंक एपिकूरी अर स्तोइकी ज्ञानी मिनखा क सागै बी चरचा करी। क्युंक मिनख कह्या, “ओ गेलो म्हारूँ काँई खेबो चावै ह?” अर क्युंक खेता हा, “लागै ह क ओ कोई पराया देवता की बात करै ह।” क्युं क बो ईसु अर बिकै मर्या पाछै ओज्यु जीबा का चोखा समचार को परचार करतो हो।

भेजेड़ा चेला का काम 17:32

मरेड़ा मऊँ ओज्यु जीबा की बात सुणर क्युंक मिनख बिपै हसबा लागगा। अर क्युंक बिऊँ बोल्या की, “इ बारां म म्हें ओज्यु कदै सुणस्यां।”

1 कुरन्थीयो 8:9

इ ताँई थे चेता म रेह्ओ क थारी छुट बिस्वास म कमजोर मिनख ताँई पाप करबा की बजै नइ बणज्यावै।

1 कुरन्थीयो 10:12

इ ताँई जखो अंय्यां सोचै क, “म बिस्वास म मजबूत हूँ,” बो ध्यानऊँ रेह्‍वै क कदै अंय्यां नइ होज्या क बो बिस्वासऊँ गुड़ जावै।

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

कलुसीयो 2:23

ईस्बर नगरी दुतानै पूजबो, आपकी कायानै दुख देबो, देख-दिखावा की नरमाई अ मिनखा का बणाएड़ा झूठा नियम, ज्ञान की बाता तो लागै पण काया की बासनानै रोकबा ताँई अ क्युंई फाईदो कोनी करै।

इबरानीआ 3:12

मेरा लाडला बिस्वास्यो, चेता म रेहज्यो! कदै अंय्यां नइ होवै क कोईसाको हियो बुराई अर भेमऊँ भर जावै जखो बिनै जीवता परमेसरऊँ दूर कर देवै ह।