कलुसीयो 2:7 - जीवन को च्यानणो (सेकावाटी नया नियम की पोथ्या)

⁷ अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

कलुसीयो 2:7 Referans Kwoze

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

2 थिसलूनिकी 2:17

बो था सगळानै चोखा कामा अर बचना म पक्को करै अर थारा हिया म हिमत बंधवावै।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

इफिसुस 5:20

अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

इबरानीआ 13:15

इ ताँई आपा ईसु क जरिए परमेसरनै बडाई का बलिदान मतबल होठा का फळ जखा बिको नाम लेवीं हीं हमेसा चढावां।

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

1 थिसलूनिकी 5:18

हर हाल म परमेसरनै धनेवाद देता रेह्ओ, क्युं क थारै ताँई मसी ईसु म परमेसर की आई इंछ्या ह।

लूका 6:48

बो बि मिनख की जंय्यां ह जखो आपको घर ढाड प बणायो। अर जद बाढ आई जणा पाणी की टकर बिकै लागी पण बि मकाननै हला कोनी सकी क्युं क बो पक्को चिणेड़ो हो।

इफिसुस 4:21

थे थारा पुराणा सुभावनै छोडद्‍यो जखो धोको देबाळी इछ्या गेल चालर थारो नास करर्यो हो। क्युं क थे तो पक्काई ईसु क बारां म सुण्या हो अर जखो सच बिमै ह बोई थानै सीखायो गयो,

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

2 कुरन्थीयो 1:21

बो परमेसरई ह जखो ईसु मसी की बजेऊँ थानै म्हानै सागै जो'ड़र पक्को कर्यो अर आपणो अभिसेक कर्यो ह।

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।