कलुसीयो 2:2 - जीवन को च्यानणो (सेकावाटी नया नियम की पोथ्या)

² ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

कलुसीयो 2:2 Referans Kwoze

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

कलुसीयो 3:14

अर आ सगळा लखणा म प्यार-परेमनै बी सामिल करल्यो जखो सगळी चिजानै आपसरी म कोनी टूटबाळा पटा म बांदै ह।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

फलिपी 3:8

अर म आ बातानैई नइ पण सगळी बातानै मेरा परबु मसी ईसुनै जाणबा की बडी बात क सामै घाटा की समजूँ हूँ। अर मसी ताँई म आनै कुड़ो-करकट जा'णर बगा दिओ जिऊँ म मसीनै पाऊँ

फलिपी 2:1

मसी म ज थानै हिमत मिली हो, बिका प्यार-परेम म थानै स्यांती मिली हो, पबितर आत्मा क सागै थारो संगरो ह अर थारै म नरमाई अर दया ह,

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

यहून्ना 10:30

म अर मेरो परम-पिता एकई हां।”

यहून्ना 6:69

अर म्हें बिस्वास कर्यो अर जाणगा हां क थेई परमेसर का पबितर मिनख हो।”

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

इबरानीआ 6:11

म्हारी तो आई दिली इंछ्या ह क थे हरेक जणा आखीर ताँई इ लगनऊँ काम करता रेह्‍वो, जिऊँ थारी आस पूरी होज्यावै।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

1 कुरन्थीयो 2:12

आपानै इ दुनिया की आत्मा कोनी मिली पण परमेसर की भेजेड़ी पबितर आत्मा मिली ह, जिऊँ बा बातानै अरामऊँ जाण सकां जखी परमेसर आपानै खुला हियाऊँ दि ह।

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

यहून्ना 16:15

बे सगळी चिजा मेरी ह जखी परम-पिता की ह जणाई तो म बोल्यो क पबितर आत्मा जोक्यु मेरूँ सुणसी बाई थानै बतासी।

यहून्ना 10:38

ज म बे करूं, इकै बावजुद बी थे मेर प बिस्वास कोनी करो, पण कमऊँ कम मेरा कामा प तो बिस्वास करो। जिऊँ थे जाण सको क परम-पिता मेर म ह, अर म परम-पिता म।”

यहून्ना 5:23

जिऊँ सगळा, बि बेटा को बंय्यांई मान-समान करै जंय्यां परम-पिता को मान-समान करीं हीं। जखो बी बेटा को मान-समान कोनी करै बो परम-पिता को मान-समान बी कोनी करै जखो बिनै भेज्यो ह।

यहून्ना 5:17

पण ईसु बानै जुबाब दिओ, “मेरो परम-पिता कदैई काम करनो बंद कोनी करै, इ ताँई म बी काम करर्यो हूँ।”

मत्ती 11:27

मेरै हाता म मेरो परम-पिता सक्यु सूप्यो ह अर परम-पिता क अलावा कोईबी बेटानै कोनी जाणै अर कोईबी बेटा क अलावा परम-पितानै कोनी जाणै। अर बे मिनख बापनै जाणै ह जिनै बेटो बतावै ह।”

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।

1 यहून्ना 5:7

अर गुवाई देबाळा तीन जणा हीं।

1 यहून्ना 3:19

अर इऊँ बेरो चालै ह क आपा सचा हां, अर जद आपा परमेसर क सामै जावां जणा आपानै सरमिन्दो कोनी होणो पड़ै।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

भेजेड़ा चेला का काम 4:32

बिस्वास्या की टोळी एक हिया अर एक बिचार की ही जोक्यु बाकन होतो बे बिनै आपसरी म बाट लेता हा, अर कोईबी तेरी मेरी कोनी करतो।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

लूका 1:1

अजी थियूफिलूस, बोळाजणा आपणै मांयनै बितेड़ी बातानै मांडबा की कोसिस करी।

रोमीयो 2:4

थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

1 कुरन्थीयो 14:31

क्युं क ज थे परमेसरऊँ आएड़ा बोल बारी-बारीऊँ बोलस्यो जणाई मिनखा क पलै पड़सी अर बे परबु की बातानै सीखर हिमत पासी।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

इफिसुस 3:3

परमेसर आपका भेदनै मेर प परगट कर्यो ह। पिछै बी म, इ कागद म आ बाता क बारां म थोड़ो-भोत थानै मांड्यो हूँ।

इफिसुस 3:16

परमेसर आपकी मेमा का धनऊँ बिकाळी पबितर आत्माऊँ थानै आ सक्‍ति देवै जिऊँ थे थारा खुदका मांयला मिनख म सक्‍ति पार तगड़ा होता जाओ।

कलुसीयो 1:26

ओ चोखो समचार भेद भर्यो सच ह जखो जुगादऊँई सगळी पिड्या की आँख्याऊँ ओला म हो। पण इब परमेसर का मिनखा प इनै परमेसर कानिऊँ परगट कर दिओ गयो ह।

कलुसीयो 2:19

अर अंय्यांलको मिनख मसी म कोनी बण्यो रेह। मसी बिस्वासी मंडळी को सीर ह। मसी का बसऊँई सगळी काया रूपी बिस्वासी मंडळी पळै अर जोड़ अर नसाऊँ मिलर जंय्यां परमेसर चावै ह बंय्यांई बढती जावै।

कलुसीयो 4:3

अर सागै की सागै म्हारै ताँई बी अरदास करो क परमेसर म्हानै मसी का भेदा को परचार करबा को मोको देवै। क्युं क परचार करबा क चलतई म जेळ म हूँ,