कलुसीयो 2:16 - जीवन को च्यानणो (सेकावाटी नया नियम की पोथ्या)

^16-17 इ ताँई खाबो-पीबो, तिहवार, पुन्यु अर अरामहाळा दिन क बारां म बताबाळा नियम सदाई कोनी बण्या रेह्‍वै अर अ रिती-रिवाज छाया जंय्यां का हीं पण सचाई तो मसी मई ह इ ताँई ज कोई थार प आ बाता की बजेऊँ बलेम लगावै जणा बिऊँ दुखी मना होवो।

कलुसीयो 2:16 Referans Kwoze

रोमीयो 14:10

जणा थे दुसरा को क्युं न्याय करो हो? अर दुसरा बिस्वासी भायानै निचो क्युं जाणो हो? क्युं क आपा सगळा परमेसर का न्याय सिंघासन क सामै खड़्या होस्यां।

गलातियो 4:10

थे खास दिनानै, म्हेनानै, रूतानै अर बरसानै मानो हो!

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

मत्ती 15:11

मिनख मुंडा म जोक्यु बी खावै ह बो बिनै सूगलो कोनी करै, पण बिका मुंडाऊँ निकळबाळा सबद बिनै सूगलो करै ह।”

इबरानीआ 9:10

क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

याकूब 4:11

ओ मेरा लाडला बिस्वास्यो, थे एक दुसरा प कळंक मना लगाओ। अर ज कोई आपका पाड़ोसी भाईड़ा क खिलाप बोलै ह अर न्याय करै, जणा बो नेम-कायदा क खिलाप म बोलै अर न्याय करै ह। अर बे अंय्यां कर नेम-कायदा गेल कोनी चालै पण इको न्याय करबाळा बणज्यावीं हीं।

मरकुस 7:19

बे चिजा हिया म कोनी जावै पण पेट क मांयनै जावै अर निकळ जावै ह।” अर बो अंय्यां बोलर खाबाळी सगळी चिजानै सुद बतायो।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?