कलुसीयो 1:5 - जीवन को च्यानणो (सेकावाटी नया नियम की पोथ्या)

⁵ अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

कलुसीयो 1:5 Referans Kwoze

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

1 पतरस 2:2

जंय्यां माँ को दुद पीता टाबर खरा दुद ताँई रोवीं हीं, बंय्यांई थार म पबितर आत्मिक दुद की भूख होणी चाए जखी परमेसर की बाता ह। जिऊँ थारो छुटकारो पक्को होतो जावै।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

1 कुरन्थीयो 15:19

अर ज आपा इ दुनिया की मो-मायानै पाबा ताँई मसीऊँ आस लगा राखी ह जणा आपा सगळा मिनखाऊँ अभागा मिनख हां।

इबरानीआ 7:19

क्युं क नेम-कायदा ख्यानैई निधान कोनी बणायो। पण एक अंय्यां की चोखी आस की पिछाण कराई गई ह जिकै जरिए आपा परमेसर क कनै जा सकां हां।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।

गलातियो 5:5

पण आपा पबितर आत्मा का दियड़ा बिस्वास की बजेऊँ परमेसर क सामै जीबा की आस देखां हां।

2 कुरन्थीयो 5:19

इ ताँई म्हारो खेबो ओ ह क परमेसर जगत का मिनखा का पाप को हिसाब कोनी राख्यो अर मसी की बजेऊँ बानै खुद म मिलायो ह अर बोई मिनखानै परमेसरऊँ ओज्यु मेळमिलाप कराबा को समचार म्हानै सूप्यो ह।

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

1 कुरन्थीयो 13:13

पण इब बिस्वास, आस, अर परेम अ तीन्युई टळै कोनी पण आ सगळा म बडो परेम ह।

भेजेड़ा चेला का काम 24:15

अर जंय्यां अ परमेसर म आस राखै ह बंय्यांई म बी राखूँ हूँ की सगळा धरमी अर अधरमी दोन्या को ओज्यु जी उठबो होसी।

1 तिमूतियूस 1:15

आ बात बिस्वास जोगी अर मानबाळी ह क, मसी ईसु इ दुनिया म पाप्यानै बचाबा ताँई आयो हो। जामै सऊँ बडो पापी म हूँ।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

कलुसीयो 3:16

सगळी बुदी क सागै एक दुसरानै सीखाओ अर चेताओ। अर थारा हियाऊँ परमेसर ताँई सगळा भजन अर आत्मिक गुणगान गाता रह्यो अर धनेवाद देतार्यो। अंय्यां कर मसी का बचनानै थारा हिया म पूरो-पूरो बसबा द्‍यो।

रोमीयो 10:8

पण सास्तर बोलै ह क, “बचन तेरै कनै ह, तेरा होठा प ह अर तेरा मन म ह।” इ बिस्वास का बचन को आपा हेलो पाड़ां हां।

भेजेड़ा चेला का काम 10:36

परमेसर इजरायली मिनखानै चोखा समचार को संदेस दिओ क ईसु मसीऊँ थानै स्यांती मिलसी। जखो सगळा को परबु ह।

लूका 12:33

अर थारी सगळी चिजानै बेचर जखो धन मिलै बिनै गरीबा म बाट द्‍यो। अर खुद ताँई अंय्यां का बटूआ सिमो जखा कदैई पुराणा कोनी होवै। मतबल ओ ह की कदैई नइ निमड़बाळो धन ईस्बर नगरी म भेळो करो। जठै बिकै चोर कोनी लागै अर नइ किड़ा मकोड़ा।

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

गलातियो 2:5

पण म्हें स्यात घड़ीई बाकै आगै हार कोनी मानी, जिऊँ चोखा समचार की सचाई थारै मांयनै बणी रेह्‍वै।

गलातियो 2:14

अर म आ देखर क बे चोखा समचार की सचाई प खराईऊँ कोनी चालीं, जणा म सकै सामै केफाऊँ बोल्यो, “तू यहूदि होर बि गैर-यहूदि मिनखा की जंय्यां जीतो आर्यो ह, जणा गैर-यहूदि मिनखानै यहूदि मिनखा की जंय्यां जीबा ताँई क्यु खेवै ह?”

इफिसुस 4:21

थे थारा पुराणा सुभावनै छोडद्‍यो जखो धोको देबाळी इछ्या गेल चालर थारो नास करर्यो हो। क्युं क थे तो पक्काई ईसु क बारां म सुण्या हो अर जखो सच बिमै ह बोई थानै सीखायो गयो,

2 पतरस 1:12

जदकी थे आ बातानै जाणो हो, अर थानै जखी सचाई का बचन मिल्या हीं अर थे आ बचनानै मानो बी हो। जणा बी म थानै अ बाता याद दिवाऊँ हूँ।