कलुसीयो 1:3 - जीवन को च्यानणो (सेकावाटी नया नियम की पोथ्या)

³ म्हें जद बी अरदास करां हां, जणा सदाई आपणा परबु ईसु मसी का परम-पिता परमेसरनै थारै ताँई धनेवाद देवां हां,

कलुसीयो 1:3 Referans Kwoze

1 थिसलूनिकी 1:2

म्हें म्हारी अरदास म थानै सदाई याद करां हां, अर थारै ताँई परमेसर को धनेवाद देवां हां।

2 तिमूतियूस 1:3

तिमूतियूस म रात-दिन मेरी अरदास म तनै याद करूं हूँ, अर तेरै ताँई परमेसरनै धनेवाद देऊँ हूँ। जिकी सेवा म मेरा बडका की जंय्यां पबितर अन्तर-आत्माऊँ करूं हूँ।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

1 कुरन्थीयो 1:4

थार प मसी ईसु क जरिए जखी दया करी गई ह, बि ताँई म मेरा परमेसरनै सदाई धनेवाद देऊँ हूँ।

कलुसीयो 1:13

परमेसर आपणानै अँधकार की सक्‍तिऊँ छुटार आपका लाडला बेटा क राज म बाड़्यो ह।

इफिसुस 1:15

इ ताँई, परबु ईसु प थारा बिस्वास अर परमेसर का मिनखा ताँई थारा प्यार-परेम क बारां म जदऊँ म सुण्यो बि टेमऊँ,

फलिपी 4:6

कोईबी बात की चिंत्या मना करो, पण परमेसर को सगळी बात ताँई दिलऊँ धनेवाद करता होया थानै जखो चाए ह बि ताँई बिऊँ अरदास अर बिणती कर माँगता रह्यो।

रोमीयो 15:6

जिऊँ थे एक हिया अर एक मुंडा होर आपणा परबु ईसु मसी का परम-पिता परमेसर की मेमा करो।

2 कुरन्थीयो 1:3

परमेसर जखो आपणा परबु ईसु मसी को परम-पिता ह, दया करबाळो अर अराम देबाळो परमेसर धने ह।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।