कलुसीयो 1:16 - जीवन को च्यानणो (सेकावाटी नया नियम की पोथ्या)

¹⁶ बिऊँई परमेसर सगळी चिजा बणायो चाए बे ईस्बर नगरी अर धरती की, दिखबाळी हो अर नइ दिखबाळी उपरी सक्‍तियानै मिलार, चाए राजा हो चाए म्हराजा, चाए राजकरबाळो हो चाए कोई अधिकारी सक्यु बिऊँई रचायो गयो ह अर बि ताँई रचायो गयो ह।

कलुसीयो 1:16 Referans Kwoze

रोमीयो 11:36

क्युं क सगळा को रचबाळो बोई ह। बिऊँ सगळा हीं अर बे बी ताँई हीं। बिकी सदाई मेमा हो! अंय्यांई होवै।

यहून्ना 1:3

बिकै जरिए परमेसर सगळी चिजा बणाई। सगळी सरस्टि म एक बी अंय्यां की चिज कोनी जखी इकै बिना रची गई हो।

1 कुरन्थीयो 8:6

पण आपणो तो एकई परमेसर ह अर बो आपणो परम-पिता ह बोई सक्यानै रच्यो। अर एकई परबु ह, अर बो परबु ईसु मसी ह जिमै सगळी चिजा ह अर जिमै सक्यानै रच्यो गयो अर जिमै आपा जीवां हां।

इबरानीआ 2:10

सगळी चिजा परमेसर ताँई ह अर सक्यु बिऊँई ह। परमेसरनै भायो क बो आपका घणकराक टाबरानै आपकी मेमा म ल्याबा ताँई ईसुनै दुख क जरिए सिद बणावै। बानै छुटकारो देबाळो ईसुई ह।

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

कलुसीयो 1:15

दिखबाळो ईसु मसी नइ दिखबाळा परमेसर की जंय्यां ह। बो सगळी चिजा म पेलो अर सगळी सरस्टिऊँ बोळो म्हान ह।

कलुसीयो 2:10

अर बिमैई थे भर्यापूरा हो, जखो सगळी राज करबाळी अर अधिकार राखबाळी सक्‍तियाऊँ बोळो बडो ह।

फलिपी 2:10

जिऊँ ईसु का नाम को आदरमान करबा ताँई ईस्बर नगरी का, धरती का अर धरती तळै का सगळा गोडा टेकींगा,

कलुसीयो 1:20

अर बिऊँई परमेसर सगळा ब्रह्माण्डऊँ मेळमिलाप करबो चायो, बा सगळाऊँ बी जखा ईस्बर नगरी अर धरती का ह। बिकाळा लोयऊँई परमेसर मेळमिलाप करवायो जिनै मसी सुळी उपर बहायो हो।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

कलुसीयो 2:15

अर राज करबाळा अर उपरी सक्‍तिया का अधिकारी का हतियार खोसर सुळीऊँ बाको चोड़ै-धाड़ै तमासो बणायो अर बानै आपकै गेल कर जीत को जुलस काड्यो।

इफिसुस 6:12

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।

रोमीयो 8:38

क्युं क म पक्काई जाणू हूँ क नइ तो मोत अर नइ जीवन, नइ ईस्बर नगरी दुत अर नइ उपरी सक्‍तिया प राज करबाळा, नइ इ टेम की कोई चिज अर नइ आबाळा टेम की कोई चिज, नइ कोई सक्‍तिया

यहून्ना 1:10

बचन जगत म हो, पण कोई बिनै कोनी जाण्यो, जदकी परमेसर बिकै जरिए इ सरस्टि की रचना करी।

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।