Biblia Todo Logo
Bib sou entènèt

- Piblisite -




कलुसीयो 1:12 - जीवन को च्यानणो (सेकावाटी नया नियम की पोथ्या)

12 परम-पितानै धनेवाद देता रह्यो, बो थानै इ जोगो बणायो ह क उजाळा का राज म जोक्यु परमेसर आपका मिनखा ताँई धर राख्यो ह बिमै थारी पाँती होवै।

Gade chapit la Kopi




कलुसीयो 1:12
50 Referans Kwoze  

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।


परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।


अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।


जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’


ओ भेद ओ ह क मसी का चोखा समचारनै मानबा की बजेऊँ गैर-यहूदि मिनख यहूदि मिनखा क सागै बापोती का हिस्सेदार होर, परमेसर का आसिरबाद म सामिल होगा; अर एकई काया का अंग अर मसी ईसु म करेड़ा बादा का हिस्सेदार होगा।


इ ताँई आपानै त्यार करबाळो परमेसरई ह, बोई आपानै जामनी ताँई पबितर आत्मा बी दिनी ह।


अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।


क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।


ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”


नगरीनै सूरज अर चाँद की जुर्त कोनी ही क्युं क बा परमेसर की मेमा का च्यानणाऊँ चमकरी ही अर उन्यो नगरी को दिओ हो।


थे परमेसर का पेलीपोत की बिस्वासी मंडळी कनै आग्या हो जाका ईस्बर नगरी म नाम दरज हीं। थे बि परमेसर क कनै आग्या हो जखो सगळा को न्याय करै ह। अर धरम्या की आत्मा कनै आग्या हो जखा सिद बणग्या हीं,


ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।


अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।


पण आपणो तो एकई परमेसर ह अर बो आपणो परम-पिता ह बोई सक्यानै रच्यो। अर एकई परबु ह, अर बो परबु ईसु मसी ह जिमै सगळी चिजा ह अर जिमै सक्यानै रच्यो गयो अर जिमै आपा जीवां हां।


हाँ, बे इ ताँई राजी बी हा अर बाको फरज बी बणै ह क्युं क ज गैर-यहूदि, यहूदि मिनखा का आत्मिक आसिरबाद म पाँती पताई ह जणा गैर-यहूदि मिनखानै बी आपकी सुक सुविदा म पाँती देणी चाए।


आपा जीबऊँई परबु अर परम-पिता की जे-जैकार करां हां अर इऊँई परमेसर का रूप म बणाएड़ा मिनखनै सराप देवां हां।


ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।


मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।


परमेसर थानै एक सागै एकई काया म स्यांतीऊँ रेह्बा ताँई बुलायो ह, जणा इब थे मसी जखी स्यांती थानै दि ह बिनै थारा हिया म राज करबा द्‍यो। अर परमेसर को धनेवाद करता रह्यो।


अर थारा मुंडाऊँ कोई बेसरमी की, बेतुकी, बेहूदा मजाक अर जखी बाता चोखी कोनी बे नइ निकळनी चाए पण इकी बजाय थारा मुंडाऊँ परमेसर ताँई धनेवाद निकळणो चाए।


सगळा को परमेसर अर परम-पिता एकई ह जखो सगळा क उपर, सगळा क मांयनै ह अर सगळा की बजेऊँ काम करै।


अर म ओ सक्यु चोखा समचार ताँई करूं हूँ क म दुसरा मिनखा क सागै इमै बाको साती-संगी बण सकूँ।


पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।


जिऊँ जानै बो पेल्याऊँई मेमा ताँई त्यार करमाल्यो हो अर बिकी दया क जोगा हा बापै बो आपकी भरपूर मेमा परगट कर सकै।


ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”


पण बो टेम आर्यो ह, आर्यो के ह आग्यो, जद भगत आत्माऊँ परम-पिता की सची भगती करसी , जखी भगती बो चावै ह।


जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।


“भागहाळा हीं बे जखा हुकमानै मानी हीं जिऊँ बानै जीवन का दरखत का फळ खाबा की छुट होसी। बानै दरवाजा होर नगरी म बड़बा की छुट होसी।


बठै कदैई रात कोनी होसी। अर नइ बठै सूरज अर दिआ का च्यानणा की जुर्त होसी। क्युं क परबु परमेसर आपको च्यानणो बापै राखसी। अर बे बठै सदाई राज करसी।


म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।


इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।


बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।


आ ताजूब की बात कोनी ह क्युं क सेतान बी चमकबाळा ईस्बर नगरी दुता को रूप धारण कर सकै ह।


मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।


क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।


अर अँधकार का बुरा कामा म सामिल मना होवो जंय्यां मिनख करै ह इकी बजाय बानै बाका बुरा कामा ताँई चेताओ।


Swiv nou:

Piblisite


Piblisite